1 Corinthians 7:9 - Sa Ugud Apudyus

⁹ Yaḵon nu adi ḵayu maḵatupod si giḵnayu, un-unnoyna angasawa ḵayu nu sa idamanyu pion ni long-agyu.

1 Corinthians 7:9 ပူးပေါင်းရင်းမြစ်များ

Acts 19:36

Adipun maḵwae misilib anna! Pun ḵasapuḻane guminoḵ ḵayu ya adi ḵayu amabbabaḻang.

1 Corinthians 7:2

Yaḵon gapu ta adu da nasulisuge nangadaḻug atta daḵampun aḵ asawada, un-unnoyna nu sa laḻaḵi ḵan bubai awad oḵyan asawada.

1 Corinthians 7:28

Yaḵon nu angasawa ḵayu, daḵampun aḵ basuḻ. Ḵad nu angasawa babaḻasang daḵampun aḵ basuḻ. Yaḵon sa ibagaḵ, unnoyna adi ḵayu angasawa ta adi ḵayu midoga si ampaḵaḻaman da nangasawa.

1 Corinthians 7:36

Nu sa mipanggob atta nituḻage an-asawa ya adidapun maḵaiyattom si giḵnada, ippun lawwengna ya daḵampun aḵ basuḻ nu an-asawada.

1 Corinthians 7:39

Sa bubai, adipun maḵwa idangana asawana ya ḵasin angasawa nu sissiyae matattagu asawana. Yaḵon nu matoy asawana, nawayae angasawa si piona. Yaḵon ḵasapuḻane siya asaw-ona namati ḵan Apu.

1 Thessalonians 4:4

Diḵayu ḵad ose laḻaḵi, ḵasapuḻane tupodonyu da amaamayon da long-agyu ta mitotoḵḵon ḵayu'ḵ tagun Apudyus ta bumaḻu da ugaliyu ya adi ḵayu mabain atte sinagung da tagu.

1 Timothy 5:11

Da baḻu ḵad ose sissiyae ḵaḵosdoḻanda, ilanyu ta adiyu paat idoga dida si listaanyu te nu adida maḵaiyattom atta long-agda ya pionda bos ḵasine angasawa, an-awidanda'ḵ Kristu.

1 Timothy 5:14

Pun sa ḵasomsomḵaḵ, nabaḻbaḻu angasawa da ḵaḵosdoḻandae baḻu ta umanaḵda ḵan ipapuutda ilan da ḵaboḻoyda ta ippun wayan da ḵabusuḻ taḵu we angamsew ḵan ditaḵu.