1 Corinthians 7:28 - Sa Ugud Apudyus

²⁸ Yaḵon nu angasawa ḵayu, daḵampun aḵ basuḻ. Ḵad nu angasawa babaḻasang daḵampun aḵ basuḻ. Yaḵon sa ibagaḵ, unnoyna adi ḵayu angasawa ta adi ḵayu midoga si ampaḵaḻaman da nangasawa.

1 Corinthians 7:28 ပူးပေါင်းရင်းမြစ်များ

Matthew 5:32

Yaḵon sa ibagaḵ ḵan diḵayu we laḻaḵi, adiyu idangan da asawayu, malaksid nu naḵadagdagas bubai. Te nu ḵoonyu ḵaḵna, diḵayu angwa si maḵabasuḻan ni bubai si dagdagas nu ḵasin angasawa. Ḵad ngaimane angasawa si bubai ye inidanganyu, maḵabasuḻ si dagdagas.”

1 Corinthians 7:26

Sa somsomoḵḵu, gapu'tte ampaḵaḻaman si sanae timpu, ambaḻu nu sissiya ḵayu si ḵasasaadyu.

1 Corinthians 7:27

Diḵayu ḵade laḻaḵi ye naabus nangasawa, adiyu idangan da asawayu. Diḵayu ḵad ose daan angasawa, unnoyna adi ḵayu ansingit aḵ asaw-onyu.

1 Corinthians 7:29

Susunudḵu ḵan Kristu, sa pioḵ ibaga ḵan diḵayu daḵampun aḵ iinggaw taḵu sina'd lutae anserbi ḵan Apu Jesus. Pun inggana sinsana diḵayu we naasaw-ane laḻaḵi, ibelangyu we isun di ippun asawayu.

2 Corinthians 1:23

Yaḵon sinsadi, aḵ Apudyus anaḵdoḻ ḵan saḵone tuttuwa annae ibagaḵ. Adiyaḵpun nipauli sinat ad Corinth te adiḵpun pione paḻawengon somsomoḵyu nu suppaḵaḵ diḵayu'tta ḵingwayu.

Hebrews 13:4

Ḵasapuḻane patgan taḵu nan-as-asaw-an taḵu ya ippun oḵyan ḵadellawan taḵu ya pagatupan taḵu we antaḻgod atta asawa taḵu we naippun maḵadagdagas. Te dusaon Apudyus da maḵadagdagas ya da adaḻugonda da daḵampun aḵ asawada.