1 Corinthians 7:25 - Sa Ugud Apudyus

²⁵ Sa mipanggob atta daampun angasawa, naippun bilinḵu ḵan diḵayu'ḵ naḻpu ḵan Apu. Yaḵon ibagaḵ ḵasomsomḵaḵ te mataḻgodanaḵ mipagapu'tte ḵadaguna ḵan saḵon.

1 Corinthians 7:25 ပူးပေါင်းရင်းမြစ်များ

1 Corinthians 15:10

Yaḵon gapu'tte ḵinabaḻun Apudyus ḵan saḵon, binaliwanaḵ atte nambalinaḵ sinsadi, daḵampun aḵ ippun nambanagana. Sa naḵwa, nadaldallu pawotḵu we nanḵewaaḻ nu da udume apostol. Yaḵon daḵampun aḵ ḵingwaḵ da sadi gapu'tte mismu we ḵosdoḻḵu yaḵon gapu'tte ḵinabaḻun Apudyus we anna ḵan saḵon.

1 Corinthians 4:2

Dallu gay sammilu, ḵasapuḻane mataḻgodan atta losane intaḻgod ni apuna ḵan siya.

1 Corinthians 7:10

Ḵan diḵayu we nangasawa, annaya ibagaḵ ḵan diḵayu we daḵampun aḵ bilinḵu yaḵon bilin Apu. Sa bubai adina oḵyan idangan asawana.

1 Corinthians 7:12

Diḵayu ḵad ose susunud ḵan Kristu we daḵampun aḵ namati da asawayu, annaya ibagaḵ ḵan diḵayu, daḵampun aḵ bilin Apu te naḻpu'tte somsomoḵḵu. Taḵon ay daḵampun aḵ namati asawan ni osa nu pionae miḵamboḻoy si asawanae namati, adina oḵyan idangan.

1 Corinthians 7:28

Yaḵon nu angasawa ḵayu, daḵampun aḵ basuḻ. Ḵad nu angasawa babaḻasang daḵampun aḵ basuḻ. Yaḵon sa ibagaḵ, unnoyna adi ḵayu angasawa ta adi ḵayu midoga si ampaḵaḻaman da nangasawa.

1 Corinthians 7:34

ḵad nagogwa somsomoḵna. Isuna bos atte babaḻasang baḵon nu sa bubai ye ippun asawana. Naippun udum aḵ somsomḵona nu adi sa mas-oman Apu te piona idatun long-agna ya sa somsomoḵna ḵan siya. Yaḵon sa bubai ye naasaw-an, adu somsomḵona'tte mabiyagana'tte annae lubung ya sa mas-oman ni asawana.

1 Corinthians 7:40

Yaḵon sa somsomoḵḵu, unnoyna nu adi ḵasin angasawa. Ḵad igammuḵe miyunud atte somsomoḵ ni Ispiritun Apudyus.

1 Corinthians 7:6

Ibagaḵ anna ta maawatanyu we miyunude angasawa ḵayu yaḵon daḵampun aḵ bilin.

2 Corinthians 11:17

Sa annae ugudoḵ, igammuḵe sa angiyisḵaḻaḵ si long-agḵu daḵampun aḵ naḻpu ḵan Apu yaḵon isuḵ tagu we nadongdong-ogan.

2 Corinthians 2:17

Yaḵon ḵan diḵani, daḵampun aḵ isuni da adu we nantuttududa'tte Ugud Apudyus ta angaḻ-anda'ḵ mabalinda. Te imbuun Apudyus diḵani ya abus aḵ ugudonni ḵatuttuwaan atte sinagungna si niyossaananni ḵan Kristu.