1 Corinthians 7:21 - Sa Ugud Apudyus

²¹ Nu musassuḵa'tte namiliyana ḵan siḵa'ḵ amati, ippun ḵanana nu pagatupame ammusassu. Yaḵon nu awad gundawaynu'ḵ mapuḵayan si nammusassuwam, ḵoom sanat.

1 Corinthians 7:21 ပူးပေါင်းရင်းမြစ်များ

Luke 12:29

Ḵad adiyu oḵyan ḵuttuḵuttumon ḵatti nu lamogyu ḵanonyu ḵan inumonyu baḵon nu adi ḵayu ambinsaw.

Luke 21:34

Pinagatupan Jesus woḵ ḵanana, “Ummanyu ta adi ḵayu midoga'tta umamdane gangganas ni bartek ya adi ḵayu ambinsaw atta ḵasapuḻanyu'tte biyag ta adi ḵayu maaddagan nu mapoḵḵatan umaliyaḵ te adiḵayupun naḵasagana. Sa aḻgawe mipauliyaḵ sina'd luta isun di silu we mapoḵḵatan maboḵas.

1 Corinthians 12:13

Losan taḵu we namati, Judyu baḵon nu Gentil, musassu baḵon nu daḵampun, nabonyagan taḵu we ossaane long-ag mipagapu'tte ossaane Ispiritu Santu ya sa sanae Ispiritu, siya inawat taḵu we losan.

1 Corinthians 7:20

Pun nu ngai ḵasasaad ni osae tagu'tte namiliyan Apudyus, adina oḵyan pasantan sinsana.

1 Corinthians 7:22

Te nu musassuḵa'tte napiliyam ta niyossaanḵa ḵan Apu, napuḵayanḵa'tte basuḻ gapu ḵan Kristu. Ḵad nu daḵanḵapun aḵ musassu'tte napiliyam, nambalinḵa'ḵ musassun Kristu sinsadi.

Galatians 3:28

Ḵad nu ḵatti, sa antotollong Apudyus, naippun mangadanan aḵ Judyu baḵon nu Gentil, musassu baḵon nu daḵampun, laḻaḵi baḵon nu bubai te os-ossaan ḵayu gapu si niyossaananyu ḵan Jesu Kristu.

Philippians 4:11

Daḵampun aḵ ibagaḵ sana gapu ta angkurang da ḵasapuḻaḵ. Te saḵon ḵad, pinaingsaḵe mat-op atte ngaimane ḵasasaadḵu.

Philippians 4:6

Adi ḵayu ambinsaw yaḵon siya ḵoonyu alluwaḻu ḵayu ḵan Apudyus. Ḵad ḵodawonyu ḵan siya da losane ḵasapuḻanyu ya anggappiya ḵayu bos.

Colossians 3:11

Gapu'tta sanae ḵingwan Apudyus, an-iisuwona da losan si antotollongna, Judyu man baḵon nu da Gentil, da naadaḻan ya da adipun naadaḻan, ḵaḵḵaili ya da maaḻmot, musassu ya daḵampun aḵ musassu te aḵ Kristu ḵapatogan atta losan ya awad os atta losane namati.

Hebrews 13:5

Adiyu ḵamommodon adu we pilaḵ. Mat-op ḵayu oḵyan atta awad ḵan diḵayu. Te ḵanan Apudyus, “Aaddi ye adiḵpun paat diḵayu tenan baḵon nu iwaḻang.”

1 Peter 5:7

Itaḻgodyu ḵan Apudyus da losane binimbinsawyu te siya angayyuwan ḵan diḵayu.