1 Corinthians 7:17 - Sa Ugud Apudyus

¹⁷ Sa osae namati, pagatupana oḵyan ḵasasaadna si namatiyana te sanat innatod Apu ḵan siya'tte timpu we namiliyan Apudyus ḵan siyae amati ḵan Jesus. Sana da imbilinḵu'tta losane gimung da namati.

1 Corinthians 7:17 ပူးပေါင်းရင်းမြစ်များ

Matthew 19:12

Te sa lasune adin da tagu angasaw-an nansabasabali. Awad da udume laḻaḵi ye adipun angasawa gapu ta naḵawoyda. Awad da udume inggagaḻada impaḵaan maḻpuwan ni maganaḵanda. Ḵad awad da udume adipun angasawa gapu si anserbiyanda ḵan Apudyus si ampangatana. Sa tagu we ḵallabbong anuttuwa si sanae tuttudu, ambaḻu oḵyan nu ḵoona.”

1 Corinthians 10:32

Ḵad ummanyu ta adiyu ḵoon bumasuḻan da udum taḵon ay da Judyu baḵon nu Gentil baḵon nu da magimugimunge namati ḵan Apudyus.

1 Corinthians 11:16

Yaḵon nu awad sumullagi si annae imbagaḵ, ibagaḵ ḵan diḵayu we ippun ugali taḵu'ḵ ḵaḵnat, taḵon ay da gimung da namati ḵan Apudyus.

1 Corinthians 11:34

Ḵad nu awad nauḻat, umuna oḵyane angan atte boḻoyna ta magimung ḵayu ḵad adin diḵayu ḵan Apudyus ḵuwison. Ḵad sa mipanggob atta udume ibilinḵu ḵan diḵayu, asiḵ ibaga nu umaliyaḵ sinat.

1 Corinthians 14:33

Te aḵ Apudyus, daḵampun aḵ piona magulu taḵu we namati yaḵon pionae nauḻnus taḵu. Isun ni maḵmaḵwa'tta losane gimung da tagun Apudyus,

1 Corinthians 16:1

Nu sa mipanggob atte daguponyu we mibadang atta tagun Apudyus ad Jerusalem, siya ḵoonyu isun ni imbilinḵu'tta gimung da namati'tta ḵinailin di ili'tte probinsiya'd Galatia.

1 Corinthians 4:17

Sadi gapunae imbuunku'ḵ Timothy sinat, we ibelangku'ḵ abengḵu we ay-ayatoḵ ḵan mataḻgodane abeng ḵan Apu taḵu. Umali ta ipaspasmoḵna ḵan diḵayu inoḵe nangunud atte ugalin Kristu we intuttuduḵ atta losane namati ye magimugimung atta ḵinailin di ili.

1 Corinthians 7:18

Awatna, nu naabus nasogyatan laḻaḵi si namiliyan Apudyus ḵan siya'ḵ namati, adipun ḵasapuḻane ḵaanona sinyale nasogyatan. Nu adipun nasogyatan si napiliyana, adipun ḵasapuḻane ampasogyat.

1 Corinthians 7:24

Pun nu ngai ḵasasaadyu we susunudḵu ḵan Kristu si napiliyanyu, pagapagatupanyu'tte niyossaananyu ḵan Apudyus.

1 Corinthians 7:7

Te sa ḵatuttuwaan, pioḵ oḵyan nu isuyu saḵone ippun asawana. Yaḵon igammuḵe daḵampun aḵ an-iisu taḵu te nansabasabali ḵabooḻane innatod Apudyus si sin-ossae tagu.

2 Corinthians 11:28

Ḵad daḵampun ay aḵ abus da sadi'ḵ angitod atta ampaḵaḻamaḵ yaḵon binigate ambimbinsawaḵ atta losane gimung da namati'tta adu we ili nu ngai gay maḵwa ḵan dida.

2 Corinthians 8:18

Ḵad ibuḻunni ḵan Titus osae sunud taḵu ḵan Kristu we madaydayaw atta losane gimung da namati gapu'tte ambaḻu inonae angiwaḻagawag si Ambaḻu we Damag.

Galatians 1:22

Sa sadi ye timpu, ippun yan nangigammu ḵan saḵon atta gimung da namati ḵan Kristu atte probinsiya'd Judea.

1 Thessalonians 2:14

Te diḵayu ḵad susunud, nampaḵaḻam ḵayu gapu'tta ḵailiyanyu we isun ni naḵwa'tta gimung da namati ḵan Apudyus atte probinsiya'd Judea we da niyossaan ḵan Jesu Kristu te nampaḵaḻamon os da susunuddae Judyu dida.

2 Thessalonians 1:4

Pun nu inḵani bisitaon da gimung da namati ḵan Apudyus atta ḵinailin di ili, isḵaḻni diḵayu'tte ḵinaanusyu ya sa angipapuutanyu we amati taḵon ay nu amod da ampaḵaḻamanyu gapu'tta pammatiyu.