1 Corinthians 7:11 - Sa Ugud Apudyus

¹¹ Yaḵon sa bubai nu idangana asawana, ḵasapuḻane adi ḵasin angasawa baḵon nu nabaḻbaḻu nu angulin si asawana. Ḵad isuna laḻaḵi, ḵasapuḻane adina idangan asawana.

1 Corinthians 7:11 ပူးပေါင်းရင်းမြစ်များ

Matthew 5:32

Yaḵon sa ibagaḵ ḵan diḵayu we laḻaḵi, adiyu idangan da asawayu, malaksid nu naḵadagdagas bubai. Te nu ḵoonyu ḵaḵna, diḵayu angwa si maḵabasuḻan ni bubai si dagdagas nu ḵasin angasawa. Ḵad ngaimane angasawa si bubai ye inidanganyu, maḵabasuḻ si dagdagas.”

Mark 10:12

Ngaiman ose bubai ye idangana asawana ya ḵasin angasawa, maḵabasuḻ si dagdagas.”

Mark 10:2

Inninggaw os da Pharisee ye ummoy namadas ḵan siya woḵ ḵananda, “Iyunud ḵamman ni lintog taḵu we idangan ni laḻaḵi asawana?”

Luke 16:18

Pun ḵanan os Jesus, “Ngaimane laḻaḵi ye angidang atte asawana ya ḵasin os angasawa'ḵ sabali ye bubai, maḵabasuḻ atte dagdagas. Isuna bos si laḻaḵi ye angasawa si inidangandae bubai, maḵabasuḻ os atte dagdagas.”

1 Corinthians 7:10

Ḵan diḵayu we nangasawa, annaya ibagaḵ ḵan diḵayu we daḵampun aḵ bilinḵu yaḵon bilin Apu. Sa bubai adina oḵyan idangan asawana.

1 Corinthians 7:12

Diḵayu ḵad ose susunud ḵan Kristu we daḵampun aḵ namati da asawayu, annaya ibagaḵ ḵan diḵayu, daḵampun aḵ bilin Apu te naḻpu'tte somsomoḵḵu. Taḵon ay daḵampun aḵ namati asawan ni osa nu pionae miḵamboḻoy si asawanae namati, adina oḵyan idangan.