1 Corinthians 6:5 - Sa Ugud Apudyus

⁵ Ampabain ḵayu! Ippun ḵamman osa'ḵ naangsan atte gimungyu'ḵ ḵallabbonge angilintog si ḵasusyu we susunud ḵan Kristu?

1 Corinthians 6:5 ပူးပေါင်းရင်းမြစ်များ

Acts 1:15

Sin-aḻgawan ḵad, nandatdatong da namati ḵan Jesus we batug di naḻpaan aḵ duwampuḻu belangda. Pun summiḵad aḵ Peter woḵ ḵanana,

Acts 9:13

Yaḵon summongbat aḵ Ananias woḵ ḵanana, “Apu, adu da nangngoḻaḵ si mipanggob atte annae tagu ya adu da ḵingwana'tta tagum ad Jerusalem.

1 Corinthians 11:14

Ḵad gagangay atte ugalin da tagu we ḵababbain nu andu buuḵ ni laḻaḵi.

1 Corinthians 15:34

Pabaḻuwonyu ḵappos da somsomoḵyu ta iwaḻangyu we bumasuḻ. Te awad da udum ḵan diḵayu we ippun igammuda ḵan Apudyus. Ibagaḵ anna ta mabainan ḵayu.

1 Corinthians 3:18

Ilanyu ta adiyu allelawon da long-agyu. Nu awad ḵananae nalaing si sanae timpu we nibatay atte ḵinalaing da adipun amati, ambalin oḵyan aḵ dong-og ta ambalin aḵ tuttuwae nalaing.

1 Corinthians 4:10

Diḵani ḵad, gapu'tte nanserbiyanni ḵan Kristu, ḵanandae dong-og ḵani. Yaḵon ḵan diḵayu, ḵananyu we nalaing ḵayu gapu'tte niyossaananyu ḵan Kristu. Diḵani ḵad, anḵuya ḵani yaḵon diḵayu ḵad, anḵosdoḻ ḵayu. Am-amsewon os da tagu diḵani ya mapatgan ḵayu ḵan dida.

1 Corinthians 4:14

Daḵampun aḵ siya anuḻataḵ pabainaḵ diḵayu yaḵon bagbagaaḵ diḵayu we isun di inaabbengḵu we ay-ayatoḵ.

1 Corinthians 6:1

Nu awad gapun ni angidaḻuman ni osan sunud ḵan Kristu atte doganae namati, adiḵayu umoy andaḻum atte ḵuwise daḵampun aḵ namati. Yaḵon inḵayu oḵyan pailintog atta tagun Apudyus.

1 Corinthians 6:4

Pun nu awad ḵasusyu, ngaipayu iyoy atta ḵuwise daḵampun aḵ namati ya ippun ḵaḻabbonganda'tta namati ye magimugimung?

James 1:5

Nu awad osa ḵan diḵayu'ḵ angkurang atte ḵinalaing, alluwaḻu oḵyan ḵan Apudyus woḵ aaddi ye maatod. Te aḵ Apudyus allaay atta losane tagu ya adinapun dida pabainan nu anḵodawda.