1 Corinthians 6:18 - Sa Ugud Apudyus

¹⁸ Pun adiyu adaḻugon da daḵampun aḵ asawayu. Ḵad adayuwanyu da ḵassadi ye basuḻ te amo sillumaweng nu sa udume kalasin da basuḻ. Da udume basuḻ daḵampun aḵ dumadail si long-ag yaḵon sa angadaḻug atte daḵampun aḵ asawana, dadailona bos long-agna ya isuna bose maḵabasuḻe mismu atte long-agna.

1 Corinthians 6:18 ပူးပေါင်းရင်းမြစ်များ

Romans 1:24

Gapu'tte ḵinadong-ogda, iwwaḻang Apudyus dida ta ḵoonda da ngaimane lawweng ya ḵaissawe pipionda ya da ḵababbaine maḵwa'tta long-agda.

1 Corinthians 6:9

Adiyupun ḵamman igammu we da angwa'ḵ lawweng adidapun gangganason da laḵsunda si midog-anda si ampangatan Apudyus? Adiyu allelawon da long-agyu te da angadaḻug atta daḵampun aḵ asawada, da andayaw atta sinan-apudyus, da laḻaḵi ye angadaḻug atta asillaḻaḵida ya da bubai ye angadaḻug atta asimbubaida, da maḵadagdagas ya da laḻaḵi ye mabayadan,

2 Corinthians 12:21

Umogyataḵ aḵ umaliyaḵ ḵad ḵasin, pabainanaḵ os ḵan Apudyus atte sinagungyu gapu'tta ḵoḵoḵḵonyu. Umogyataḵ nu lawweng somsomoḵḵu gapu'tta naḵabasuḻ si awe ye adidapun imbabawi da basuḻda ya adidapun iyyagaye nangwa'tta ḵaissawe ḵoḵoḵḵonda, isun ni maḵadagdagas ya da udume ḵaissawe ḵoḵoḵḵon.

Galatians 5:19

Allasu we mimatunan ḵoon da tagu we maḻpu si pipion da long-agda. Isun da sana: adaḻugonda da daḵampun aḵ asawada ya ḵoonda da ḵaissaw ya da ḵababbain.

Ephesians 5:3

Pun adiyu oḵyan ḵoon da ḵababbain ya adiyu bos ḵoon da udume kalasin di ḵaissawe banag. Adiyu bos ḵamommodon da daḵampun aḵ ḵuwayu. Ḵad naippun oḵyan os maugudanyu we tagun Apudyus atta ḵassanae banag.

Colossians 3:5

Pun ḵasapuḻane an-awidanyu da dadaane ḵasomsomḵanyu ya da ugaliyu we isun da maḵadagdagas ya da udume kalasin di ḵaissaw, da pipion ni long-ag ya sa ḵamommod te siya isun di anayawan atta sinan-apudyus.

1 Thessalonians 4:3

Te sana pinion Apudyus, mitotoḵḵon ḵayu'ḵ taguna ta bumaḻu ugaliyu. Pun adi ḵayu angwa'tta ḵababbain ya da lawwenge ḵoḵoḵḵon.

1 Thessalonians 4:5

Daḵampun oḵyan aḵ siya unudonyu pipion ni long-agyu we isun ni ḵoon da Gentil we adipun angigammu ḵan Apudyus.

2 Timothy 2:22

Pun adayuwam da pipion ni long-ag da babaḻu ta ipapuutnu we angwa si ummun-un ya amapigsa si pammatim. Ipapuutnu bose angayat atta udume tagu ya sa allin-awae maḵabuḻbuḻunam atta anḵodaw aḵ ḵadagu ḵan Apu we ampoḻḵas da somsomoḵda.

Hebrews 13:4

Ḵasapuḻane patgan taḵu nan-as-asaw-an taḵu ya ippun oḵyan ḵadellawan taḵu ya pagatupan taḵu we antaḻgod atta asawa taḵu we naippun maḵadagdagas. Te dusaon Apudyus da maḵadagdagas ya da adaḻugonda da daḵampun aḵ asawada.

1 Peter 2:11

Susunud ḵan Kristu we ay-ayatoḵ, gapu ta isu taḵun ḵaili si annae lubung ya sin-aḵitane abus inggawan taḵu sina, an-awidanyu ḵappos pipion ni long-agyu we angubagubat ḵan diḵayu.