1 Corinthians 6:15 - Sa Ugud Apudyus

¹⁵ Adiyupun ḵamman igammu we sa long-ag taḵu we namati, ḵamangay ni long-ag Kristu? Ḵad nu ḵaḵnat, maḵwa ḵad aine antipun long-ag Kristu atta long-ag da puta? Adipun paat maḵwa!

1 Corinthians 6:15 ပူးပေါင်းရင်းမြစ်များ

Luke 20:16

Dumatong ḵad, gongatona dida ya impaayyuwanna'tta udume tagu mumuḻḻaan atta de grape.” Dingngoḻ ḵad da tagu sana, ḵananda, “Adi oḵyan maḵwa da ḵaḵna!”

Romans 12:5

Isuna bos ditaḵu we namati, taḵon ay nu adu taḵu, mipani taḵu si ossaane long-ag Kristu ḵad nan-os-ossaan taḵu.

Romans 3:31

Ḵad idiyan taḵu ḵad ain lintog gapu si annae pammati? Naid! Yaḵon ipaila taḵu we tuttuwa pion ni lintog ḵanan.

Romans 3:6

Daḵampun aḵ ḵatti! Te nu adi naun-unan aḵ Apudyus, ngai inonae anguwis atta losane tagu si annae lubung?

Romans 6:15

Ngai ḵad ain pion ni sana ḵanan? Nu matagu taḵu gapu'tte ḵinabaḻun Apudyus we daḵampun si anuttuwaan taḵu'tte lintog, pagatupan taḵu ḵad aine bumasuḻ? Adipun maḵwa!

Romans 6:2

Adipun maḵwa! Te naabuse natoy taḵu mipanggob atte basuḻ, ngai inonae sissiya taḵu we bumasubasuḻ?

Romans 7:13

Piona ḵad ain ḵanane sa ambaḻu we lintog siya gapun ni matoyaḵ? Naid! Te sa mismu we basuḻḵu gapun ni matoyaḵ. Mipagapu si ambaḻu we lintoge igammu taḵu we ḵoon taḵu we lawweng, basuḻ ḵad ambanag si ḵatoy. Ḵad mipagapu si bilin mipaila ummamdane basuḻ taḵu.

Romans 7:7

Ngai ibaga taḵu nu? Maḵwa ḵad ain ibaga taḵu we lawweng lintog? Naid! Yaḵon nu naippun lintog, adipun maawatan basuḻ. Isun ni amaamay, adiḵpun oḵyan inigammu we lawweng nu adin ni lintog imbaga ḵanane, “Adim amaamayon ḵuḵuwan da udum.”

1 Corinthians 11:3

Yaḵon awad os osae pioḵe maawatanyu we aḵ Kristu isun di uḻun da losane laḻaḵi ḵad sa laḻaḵi isun di uḻun ni asawana. Ḵad aḵ Apudyus siya isun di uḻun Kristu.

1 Corinthians 12:27

Ditaḵu we namati, nipani taḵu si long-ag Kristu. Pun sa sin-ossaossa ḵan ditaḵu ḵamangay ni long-agna.

1 Corinthians 6:13

Ḵanan os da udum, “Da maḵan, naḵwada ta anserbi si buwang, ḵad sa buwang naḵwa ta anserbi si maḵan.” Yaḵon dadailon Apudyus didae duwa si umali ye aḻgaw. Yaḵon sa long-ag taḵu daḵampun aḵ naḵwa ta adaḻugon taḵu daḵampun aḵ asawa taḵu. Te sa long-ag taḵu naḵwa'ḵ anserbi ḵan Apu ḵad siya angayyuwan atta long-ag taḵu.

1 Corinthians 6:17

Yaḵon ngaimane niyossaan ḵan Apu, nambalinda'ḵ ossaane ispiritu.

1 Corinthians 6:19

Adiyupun ḵamman igammu we sa long-ag taḵu templon ni Ispiritu Santu we innattod Apudyus aḵ iinggaw ḵan ditaḵu? Daḵampun aḵ ḵuwa taḵu long-ag taḵu te ḵuwan Apudyus,

1 Corinthians 6:3

Adiyupun ḵamman igammu we ditaḵu anguwis atta anghel? Ḵad maguḻaman os adi maḵwae ilintogyu da ngaimane banag si annae mataguwanyu?

Galatians 2:17

Pun namnamaon taḵu we aḵ Apudyus angwa si maun-unan taḵu gapu'tte niyossaanan taḵu ḵan Kristu. Yaḵon da udume Judyu, ibelang ditaḵu'ḵ ḵabasbassuḻane tagu gapu'tte pammati taḵu ḵan Kristu ya aditaḵupun unudon lintogda ta maun-unan taḵu si antotollong Apudyus, piona ḵad ain ḵanane aḵ Kristu gapun ni maḵabasuḻan da tagu? Daḵampun paat!

Galatians 3:21

Piona ḵad ain ugudone misullagi lintog atta inkarin Apudyus? Naid! Adipun maḵwa! Adidapun misullagi, abus nansabali da panggob Apudyus we nangipaigammu ḵan dida. Te nu innatodna oḵyan lintoge maḵwae angitod si biyag aḵ inggana, maḵwa maun-unan da tagu gapu si anuttuwaanda'tte sadi ye lintog.

Galatians 6:14

Yaḵon ḵan saḵon, ippun udum aḵ isḵaḻḵu, abus natoyan Jesu Kristu we Apu taḵu'tte kros te gapu si sanate natoyana, da patpatgon da tagu we adipun amati ippun patogda ḵan saḵon ya ippun os patogḵu ḵan dida.

Ephesians 4:12

Ḵingwana ḵatti ta ansagana taḵu we tagun Apudyus we anserbi ḵan Kristu ta pumigsa taḵu we isun di long-agna,

Ephesians 5:23

Te sa laḻaḵi siya angituray si asawana. Sadi isun Kristu we siya angipangat atta gimung da namati ye isun di long-agna. Ḵad aḵ Kristu anagu'tta losane namati.

Ephesians 5:30

te ibelangna ditaḵu'ḵ long-agna.

Colossians 2:19

Pun nisinada ḵan Kristu we isun di siya uḻu taḵu we namati. Ditaḵu ḵad, niyossaan taḵu ḵan siya te ditaḵu isun di long-agna. Pun sa uḻu asi ḵigad atte losane ḵamangay ni long-ag ta awaton ni sin-ossaossa da ḵasapuḻana ya miyustu-ustu uḻnus da losan. Pun siya dumaḵoḻan taḵu gapu'tte pigsae itton Apudyus ḵan ditaḵu.