1 Corinthians 6:1 - Sa Ugud Apudyus

¹ Nu awad gapun ni angidaḻuman ni osan sunud ḵan Kristu atte doganae namati, adiḵayu umoy andaḻum atte ḵuwise daḵampun aḵ namati. Yaḵon inḵayu oḵyan pailintog atta tagun Apudyus.

1 Corinthians 6:1 ပူးပေါင်းရင်းမြစ်များ

Matthew 5:45

ta mipailae diḵayu tuttuwae abeng Amayu'd langit. Te ḵan siya, iyyunudna inite ḵingwana'ḵ lumangḻang atta naun-unane tagu we isuna bos atta tagu we angwa'tta lawweng ya innatodna bos udan ta maudanan lutan da tagu we angwa'tta pinion Apudyus ya da tagu we angwa'ḵ lawweng.

Acts 19:38

Pun nu awad lilin da Demetrius ya da buḻunnae ambobosaḻ, annat da ḵuwis atta dadaḻḻuman ya annat os gobernor we siya ustu we umoyda andaḻuman.

1 Corinthians 1:2

Ḵad annaya suḻatni ḵan diḵayu'tta magimugimunge namati ḵan Apudyus ad Corinth. Diḵayu da pinilina ya intotoḵḵonna'ḵ taguna gapu'tte niyossaananyu ḵan Jesu Kristu we nidoga da losane tagu'tta ḵinailin di ili ye anḵodaw aḵ ḵadagu ḵan Apuda ya Apu taḵu bos.

1 Corinthians 14:33

Te aḵ Apudyus, daḵampun aḵ piona magulu taḵu we namati yaḵon pionae nauḻnus taḵu. Isun ni maḵmaḵwa'tta losane gimung da tagun Apudyus,

1 Corinthians 16:1

Nu sa mipanggob atte daguponyu we mibadang atta tagun Apudyus ad Jerusalem, siya ḵoonyu isun ni imbilinḵu'tta gimung da namati'tta ḵinailin di ili'tte probinsiya'd Galatia.

1 Corinthians 16:15

Susunudḵu ḵan Kristu, igammuyu mipanggob ḵan da Stephanas we simbaḻyan. Dida da ummunae namati ḵan Apudyus ad Achaia. Impapatidae nanserbi'tta losane tagun Apudyus.

1 Corinthians 5:12

Naippun biyang taḵu we anguwis atta daḵampun aḵ amati te aḵ Apudyus asi anguwis ya anusa ḵan dida. Yaḵon ditaḵu we namati, awad de ḵaḻabbongan taḵu we anguwis atta buḻun taḵu si gimung. Te sa ḵanan ni nigili'tte Ugud Apudyus, “Ḵasapuḻane paḻyawonyu angwa'ḵ lawweng atte gimungyu.”

1 Corinthians 6:5

Ampabain ḵayu! Ippun ḵamman osa'ḵ naangsan atte gimungyu'ḵ ḵallabbonge angilintog si ḵasusyu we susunud ḵan Kristu?