1 Corinthians 5:9 - Sa Ugud Apudyus

⁹ Sa osae suḻatḵu ḵan diḵayu, imbagaḵe adi ḵayu maḵabuḻbuḻun atta tagu we adaḻugonda da daḵampun aḵ asawada.

1 Corinthians 5:9 ပူးပေါင်းရင်းမြစ်များ

1 Corinthians 5:10

Yaḵon sa ibagaḵ daḵampun atta tagu we adipun namati ye maḵadagdagas, ḵamommod ya da aḵḵawan baḵon nu andayaw atta sinan-apudyus. Te nu adi ḵayu maḵabuḻbuḻun ḵan dida, ḵasapuḻane tenanyu annae lubung.

1 Corinthians 5:2

Ḵad sissiyae ansoḵaḻ ḵayu! Siya oḵyan ḵoonyu idomdomyu ḵababbaine naḵwa ta paḻyawonyu ḵaḵnate tagu'tte gimungyu.

1 Corinthians 5:7

Ḵasapuḻane ḵaanonyu ugaliyu we mipani'tte yeast ta sa ugaliyu ambalin aḵ ampoḻḵas ḵasasaadyu si antotollong Apudyus. Ḵasapuḻane ḵoonyu ḵatti ta mipani ḵayu si ḵaḵ-utu we tinapaye ippun ḵamosna'ḵ yeast we mitoḵom nu ansida da Judyu atte karnero si Gayagayae ngannonda Nallausan. Te aḵ Kristu mipani'tte sadi ye karnero te natoy ta puḵayana ditaḵu'tta basuḻ.

2 Corinthians 6:14

Ḵan ditaḵu we namati, adi taḵu oḵyan mitipun atta daḵampun aḵ namati te adipun maḵwae antipun naun-unan ḵan lawweng. Maḵwa ḵamman antipun padda ḵan giḵbot?

2 Corinthians 6:17

Pun ḵanan os Apudyus, “Tenanyu dida ya misina ḵayu ḵan dida. Ḵad adiyu tokkon da ngaimane mibelang aḵ ḵaissaw ta awatoḵ diḵayu.

Ephesians 5:11

Adi ḵayu maḵaḵwa'tta banage ḵababbain ḵan ippun anunae ḵoḵoḵḵon da tagu we awad si giḵbote nililimod. Siya oḵyan ḵoonyu ipaḵaawatyu ḵan didae lawwelawweng da ḵoonda taḵon ay nu ḵababbain aḵ ugudon da sanae banag.

2 Thessalonians 3:14

Nu awad adipun tumuttuwa'tte imbagani si annae suḻat, adi ḵayu miyisu ḵan siya ta mababbainan.

2 Thessalonians 3:6

Sinsadi susunudni ḵan Kristu bilinonni diḵayu'tte ngadan Apu Jesu Kristu we adiyu buḻbuḻunon da namati ye baduuḻe anḵewaaḻ ya da adipun tumuttuwa'tta inawatyu we tuttudu ḵan diḵani.