1 Corinthians 5:5 - Sa Ugud Apudyus

⁵ Ipuḻangyu sanate laḻaḵi ḵan Satan ta dadailona long-agna, ta matagu ispirituna'tte aḻgawe angulinan Apu.

1 Corinthians 5:5 ပူးပေါင်းရင်းမြစ်များ

Matthew 4:10

Ḵanan Jesus, “Ḵumassadḵa, Satan! Te ḵanan ni nigili'tte Ugud Apudyus, ‘Sa Apu we Apudyusnu, siya abus aḵ dayawom ḵan anserbiyam.’ ”

Luke 22:31

Pun ḵanan Jesus ḵan Peter, “Simon, dongngom ḵappos ibagaḵ. Ḵindaw Satan gundawaynae amappadas ḵan diḵayu losan ta ilana nu awad misina ḵan diḵayu we isun ni misinaan ni dugi'tte wheat nu matop-an.

Acts 26:18

Ibuunḵu siḵa ḵan dida ta igammuwonda ḵatuttuwaan ta masilawan da somsomoḵda ya an-awidanda da lawweng ya ansagungda si padda. Ḵad an-awidanda ḵabooḻan Satan ḵad ansagungda si ḵabooḻan Apudyus ta amatida ḵan saḵon ḵad mapakawan da basuḻda ya mibelangda'tta intotoḵḵon Apudyus aḵ taguna.’

1 Corinthians 1:8

Papigsaona da pammatiyu inggana si anungus ni aḻgaw ta ippun mapabasuḻanyu'tte timpu we mipauliyan Apu taḵu we Jesu Kristu.

1 Corinthians 11:32

Yaḵon nu dusaon Apudyus ditaḵu, madisiplina taḵu ta adi taḵu midoga si dusan da tagu we adipun amati.

2 Corinthians 10:6

Nu ipailayu we losan ḵayu tumuttuwae ustu ḵan Kristu, naḵasagana ḵani ye anusa'tta ngaimane adipun tumuttuwa ḵan siya.

2 Corinthians 12:7

Gapu ḵad ta adimpun Apudyus pione ansoḵaḻaḵ gapu'tta ḵinangatun ni nakaskasdaawe impailana ḵan saḵon, iyyunudnae angigga'ḵ Satan aḵ saḵite isun di lutlut-uḵona long-agḵu ya ampaḵaḻamaḵ ta adiyaḵ ansoḵaḻ.

2 Corinthians 13:10

Siya gapunae insuḻatḵu da annae ibagaḵ si ippunaḵ ḵan diḵayu ta umaliyaḵ ḵad sinat, daḵampun oḵyan aḵ ḵasapuḻane ipailaḵ ḵaḻabbongaḵe innatod Apu Jesus ḵan saḵon si anuppaḵaḵ ḵan diḵayu. Te sa angusaraḵ oḵyan si annae ḵaḻabbongaḵ sa pumigsaan ni pammatiyu, daḵampun aḵ madadailanyu.

Philippians 1:6

Anggappiyaaḵ os te iniiggammuḵe aaddi ye aḵ Apudyus we nangisaḻad si ambaḻu we ḵoona'tta biyagyu, siya bos amagapagatup inggana'ḵ magangput atte ḵasine umaliyan Jesu Kristu.

1 Timothy 1:20

Ḵaḵna isun ni naḵwa ḵan da Hymenaeus ḵan Alexander we impuḻangḵu ḵan Satan ta adaḻondae adida an-ugud aḵ lawweng mipanggob ḵan Apudyus.

2 Timothy 1:18

Inigammum os daḵoḻe badangna ḵan saḵon ad Ephesus si awe. Ḵadaguwan oḵyan Apudyus si aḻgawe anguwisana'tta tagu.

2 Peter 3:12

si anguuwayanyu si aḻgawe anguwisan Apudyus atta tagu. Iggayu oḵyan ḵabooḻanyu ta pumogos umaliyan ni sanae aḻgaw. Pun tuttuwae sa sanate aḻgaw, masgob langite sa igaw ni init, sa soḻag ya da bituwon ya bunason ni apuy dida.

1 John 5:16

Nu awad osa'ḵ angila si sunudna ḵan Kristu we maḵabasuḻ, iluwaḻuna oḵyan ta itton Apudyus ḵan siya biyag aḵ inggana. Sa pioḵ ibaga, iluwaḻuwan taḵu tagu amod ay nu daḵampun aḵ ambanag si ḵatoy naḵabasuḻana. Te awad de basuḻe ambanag si ḵatoy yaḵon daḵampun aḵ ḵanaḵe iluwaḻuwan taḵu oḵyan.