1 Corinthians 5:11 - Sa Ugud Apudyus

¹¹ Sa pioḵ ḵanan ḵan diḵayu, adi ḵayu maḵabuḻbuḻun atta ibelangda da long-agdae sunud taḵu ḵan Kristu yaḵon dida da angadaḻug atta daḵampun aḵ asawada, ḵamommodda, andaydayawda'tta sinan-apudyus, an-ugudda'ḵ lawweng atta udume tagu, da bartekero ya da tulisan. Ḵad taḵon ay ḵaḵan, adi ḵayu miyubung ḵan dida.

1 Corinthians 5:11 ပူးပေါင်းရင်းမြစ်များ

Matthew 18:17

Nu sissiyae adinapun dongngon da ibagada, ipaigammum atta namati ye magimugimung. Ḵad nu adinapun pagay os dongngon ibagan da namati ye magimugimung, ibelangnu'ḵ adinapun igammu'ḵ Apudyus baḵon nu sa osae andadagup atta bugis.”

Matthew 23:25

“Ḵaddagu ḵayu, diḵayu we Pharisee ya da mimistulun ni lintog. Ḵapappaila ḵayu! Iissuyu tagu we ḵiwasanae abus labaw ni tasa ya sa ubot ni palatu! Yaḵon ad daḻom atta somsomoḵyu, amo ḵamommod ḵayu ya pasigyu kulukon da asintataguyu.

Luke 18:11

Nillumnoḵda ḵad, summiḵad Pharisee ye bummattawa'tta udum woḵ ḵananae nalluwaḻu, ‘Anggappiyaaḵ Apudyus te adiḵpun isu da udume an-igab, adidapun naun-unan, maḵadagdagasda taḵon ay annate andadagup atta bugis.

Luke 21:34

Pinagatupan Jesus woḵ ḵanana, “Ummanyu ta adi ḵayu midoga'tta umamdane gangganas ni bartek ya adi ḵayu ambinsaw atta ḵasapuḻanyu'tte biyag ta adi ḵayu maaddagan nu mapoḵḵatan umaliyaḵ te adiḵayupun naḵasagana. Sa aḻgawe mipauliyaḵ sina'd luta isun di silu we mapoḵḵatan maboḵas.

Acts 1:15

Sin-aḻgawan ḵad, nandatdatong da namati ḵan Jesus we batug di naḻpaan aḵ duwampuḻu belangda. Pun summiḵad aḵ Peter woḵ ḵanana,

Acts 9:17

Pun ummoy aḵ Ananias woḵ nillumnoḵ atte boḻoye inninggawan Saul. Pun impatayna da imana ḵan siya woḵ ḵanana, “Sunudḵu we Saul, aḵ Apu Jesus we nampaila ḵan siḵa si daḻan, siya nangibuun ḵan saḵon ta maḵailaḵa ya umoy ḵabooḻan ni Ispiritu Santu ḵan siḵa.”

Romans 13:13

Sa antatagu we ḵasapuḻane unudon taḵu, sa ampoḻḵas ḵan ambaḻu we mibagay atte tagu we awad si padda. Adi taḵu mabartek, adi taḵu maḵadagdagas ya adi taḵu ḵoon da udume ḵaḵaissawan ya ḵababbain ya adi taḵu ansusubog ḵan an-asiapos.

Romans 16:17

Susunudḵu ḵan Kristu, ḵodawoḵe ummanyu'tta tagu we anadail si nan-os-ossaananyu ya angulu'tta pammatiyu. Te sullagiyonda ḵatuttuwaane nituttudu ḵan diḵayu si awe ḵad maḵḵon ituttududa. Ḵasapuḻane umadayu ḵayu ḵan dida.

1 Corinthians 10:14

Pun ay-ayatoḵe susunud, adi ḵayu ogon andaydayaw atta sinan-apudyus.

1 Corinthians 11:21

te sa angananyu, adiḵayupun an-asiuway, awad da udume unaonda ḵanon da dinaanda. Ḵad mauḻat da udum ya naabus nabartek da udum.

1 Corinthians 6:10

da aḵḵawan, da ḵamommod, da bartekero, da an-ugud aḵ lawweng atta asintataguda, da tulisan, adidapun gangganason da laḵsunda si midog-anda si ampangatan Apudyus.

1 Corinthians 6:6

Yaḵon ngaipayu umoy idaḻum atta daḵampun aḵ namati sunudyu ḵan Kristu ta dida angilintog ḵan diḵayu?

1 Corinthians 6:9

Adiyupun ḵamman igammu we da angwa'ḵ lawweng adidapun gangganason da laḵsunda si midog-anda si ampangatan Apudyus? Adiyu allelawon da long-agyu te da angadaḻug atta daḵampun aḵ asawada, da andayaw atta sinan-apudyus, da laḻaḵi ye angadaḻug atta asillaḻaḵida ya da bubai ye angadaḻug atta asimbubaida, da maḵadagdagas ya da laḻaḵi ye mabayadan,

1 Corinthians 7:12

Diḵayu ḵad ose susunud ḵan Kristu we daḵampun aḵ namati da asawayu, annaya ibagaḵ ḵan diḵayu, daḵampun aḵ bilin Apu te naḻpu'tte somsomoḵḵu. Taḵon ay daḵampun aḵ namati asawan ni osa nu pionae miḵamboḻoy si asawanae namati, adina oḵyan idangan.

1 Corinthians 7:15

Yaḵon nu pion ni daḵampun aḵ namati idangan asawanae namati, maḵwa. Nu awad ḵaḵnat aḵ maḵwa, mapuḵayan asawae namati, laḻaḵi man baḵon nu bubai. Te pinilin Apudyus ditaḵu ta lumin-awa maḵabuḻbuḻunan taḵu'tta udum.

1 Corinthians 8:11

Ḵad gapu si igammum, nadadail sunudnu ḵan Kristu we anḵuya pammatinae inḵatoy Kristu.

Galatians 2:12

Te sa ḵaddaḵngana, patilayune miyubung atta susunud taḵu we Gentil. Pun dummatong ḵad da imbuun James, insaḻadnae nangiyagaye miyubung ḵan dida te maḵimut atte grupun da namati ye Judyu we angipatute mituttuwa lintog Moses.

Ephesians 5:18

Ḵad adi ḵayu ambarbartek te dumadail yaḵon iyunudyu oḵyane sa ḵabooḻan ni Ispiritu Santu awad ḵan diḵayu.

Ephesians 5:5

Te inigammuyu we naippun maḵadagdagas ya angwa'tta ḵababbain aḵ midoga si ampangatan Kristu ya aḵ Apudyus. Isuna bos da ḵamommodona ḵuwan da udum te sa ḵamommodna, siya isun di apudyusna.

Colossians 3:5

Pun ḵasapuḻane an-awidanyu da dadaane ḵasomsomḵanyu ya da ugaliyu we isun da maḵadagdagas ya da udume kalasin di ḵaissaw, da pipion ni long-ag ya sa ḵamommod te siya isun di anayawan atta sinan-apudyus.

2 Thessalonians 3:14

Nu awad adipun tumuttuwa'tte imbagani si annae suḻat, adi ḵayu miyisu ḵan siya ta mababbainan.

2 Thessalonians 3:6

Sinsadi susunudni ḵan Kristu bilinonni diḵayu'tte ngadan Apu Jesu Kristu we adiyu buḻbuḻunon da namati ye baduuḻe anḵewaaḻ ya da adipun tumuttuwa'tta inawatyu we tuttudu ḵan diḵani.

1 Timothy 3:3

Daḵampun aḵ bartekero, gumugulu yaḵon naanus, daḵampun aḵ subbogan ya daḵampun aḵ ḵamommod si pilaḵ.

1 Timothy 6:5

ya patilayune susubog. Ḵaḵnat te lummaweng somsomoḵda ya naliwatanda ḵatuttuwaan. Te sa ḵananda, sa naapudyusane biyag gapun ni bumaḵnangan.

2 John 1:10

Pun nu awad umali ḵan diḵayu'ḵ sabali tuttuduna, adiyu paḻonḵon atte boḻoyyu. Adiyu bos pakumustaon.

Revelation 2:14

“ ‘Yaḵon awad de adiḵpun pion ḵan diḵayu, awad da udum ḵan diḵayu we angunud si intuttudun Balaam atte awe. Aḵ Balaam ḵad intuttuduna ḵan Balak inonae anulisug atta ganaḵ Israel aḵ bumasuḻ ta awisonda dida'ḵ maḵaḵan atta nidatun atta sinan-apudyus ya angadaḻug atta daḵampun aḵ asawada.

Revelation 2:20

“ ‘Yaḵon awad de adiḵpun pion ḵan diḵayu, iyyunudyu we midoga sanae bubai ye aḵ Jezebel ḵan diḵayu. Ḵananae siya profeta we angituttudu'tta imbagan Apudyus yaḵon gapu si tuttuduna, awisona da anserbi ḵan saḵon ta adaḻugonda da daḵampun aḵ asawada ḵan anganda'tta maḵane nidatun atta sinan-apudyus.

Revelation 21:8

Yaḵon ampaḵimut maḵwa'tta tagu we adidapun ipapuut pammatida gapu si ogyatda, da naippun pammatida, da lawweng ugalida, da pumappatoy, da angadaḻug atta daḵampun aḵ asawada, da andadawaḵ, da ambubuyun, da anaydayaw atta sinan-apudyus ya da losane tuliyan. Asida umoy inggaw atte igaw ni gumilgillayabe apuy ḵan sulfur. Sana ḵumagwae ḵatoy.”

Revelation 22:15

Yaḵon adipun maḵaḻnoḵ sidi da ngaimane angwa'tta lawweng, da andadawaḵ, da angadaḻug atta daḵampun aḵ asawada, da pumappatoy, da andaydayaw atta sinan-apudyus ya da losane tuliyan ya da ḵapappaila.”