1 Corinthians 4:9 - Sa Ugud Apudyus

⁹ Te sa somsomoḵḵu, nambalinon diḵani ḵan Apudyus aḵ apostol we ḵababaan atta losane isun da naḵoddongan aḵ matoy si sinagung da ḵaaduwane tagu. Te impailana diḵani'tta tagu si annae lubung ta buyaon da tagu ya da anghel.

1 Corinthians 4:9 ပူးပေါင်းရင်းမြစ်များ

Acts 19:29

Pun losan da tagu'tte siyudad nagulu woḵ doḵmaanda da Gaius ḵan Aristarchus we iMacedonia we buḻun Paul we nambaat woḵ binutbutda dida inniyoy si bubuyyaan.

Acts 19:31

Inggaw da udume papangat si probinsiyae buḻbuḻun Paul, nambuunda'ḵ ummoy nangibaga ḵan siya ta adi oḵyan umoy ampappaila'tte bubuyyaan.

Romans 8:36

Te sa ḵanan ni nigili ye Ugud Apudyus, “Gapu ḵan siḵa Apu, pasige sasagganaonni ḵatoy ḵad isunin karnero we madam-an misida.”

1 Corinthians 15:19

Ḵad nu abus biyag si annae lubung aḵ namnamaon taḵu'ḵ anaguwan Kristu ḵan ditaḵu, ditaḵu paate ḵadagdagu'tta losane tagu.

2 Corinthians 11:23

Ḵad nu ḵanandae anserbida ḵan Kristu, amo nabaḻbaḻu anseserbiḵ ḵan siya nu dida. Isuḵ nin nadongdong-ogane angibaga'tta ḵassana! Amo nasigab ḵewaaḻḵu nu dida, adu timpu we nibaḻudaḵ, naap-aplitaḵ ya adu naamusanaḵ si ḵatoy gapu'tte anserbiyaḵ ḵan Kristu.

2 Corinthians 6:9

Ḵanan da udum, “Ippun angigammu ḵan diḵani,” yaḵon sa ḵatuttuwaan adu da tagu we angigammu ḵan diḵani. Pasigni sasaggungon ḵatoy yaḵon sinsadi tuttuwae sissiyae matattagu ḵani. Taḵon ay nu nampaḵaḻam ḵani, adiḵanipun natoy.

1 Thessalonians 3:3

ta adi ḵayu madismaya gapu'tta ampaḵaḻamanyu. Inigammuyu we niḵoddonge ampaḵaḻam taḵu.

Hebrews 1:14

Ngai da anghel nu? Dida da Ispiritu we anserbi ḵan Apudyus ḵad imbuunna dida'ḵ bumadang atta tagu we umawat si mataguwan.

Hebrews 10:33

Udumna ḵad insultuwonda ḵan ampaḵaḻamonda diḵayu'tte sinagung da adu we tagu. Sillaḻabi ḵad os, midoga ḵayu ampaḵaḻam atta buḻunyu.

Hebrews 11:36

Da udum, naam-amsewda ya naap-aplitda, naḵawadanda ya nibaḻudda.