1 Corinthians 4:4 - Sa Ugud Apudyus

⁴ Ampoḻḵas somsomoḵḵu yaḵon daḵampun aḵ piona ugudone ippun pulus basuḻḵu. Te aḵ Apudyus abus aḵ angigammu ḵad siya abus aḵ anguwis ḵan saḵon.

1 Corinthians 4:4 ပူးပေါင်းရင်းမြစ်များ

John 21:17

Pun impiḵlun Jesus ḵanan ḵan siya, “Simon we abeng John, ay-ayatom pagay saḵon?” Pun nasuḻsuḻdung aḵ Peter te piḵlunae nangimus ḵan siya we ḵanana, “Ay-ayatom pagay saḵon?” Ḵanan Peter, “Apu, igammum da losan. Ḵad igammume ay-ayatoḵ siḵa.” Ḵanan Jesus ḵasin, “Ayyuwanam da karneroḵ.

Acts 23:1

Pune sadi, immumusḵoḻ Paul da ḵuḵunsisaḻ woḵ ḵanana, “Susunudḵu we ganaḵ Israel, iniiggammun Apudyus we ampoḻḵas somsomoḵḵu mipanggob si inoḵe nanserbi ḵan siyae nilapu si awe inggana sinsanae aḻgaw.”

Romans 2:13

Te sa tagu adipun maun-unan atte antotollong Apudyus gapu'tte andongoḻana'tte lintog yaḵon sa anuttuwaana.

Romans 4:2

Nu gapu'tte ambaḻu we ḵingwan Abraham nangwaan Apudyus ḵan siya'ḵ naun-unan, maḵwae isḵaḻna'tta tagu. Yaḵon tuttuwae adipun maḵwae isḵaḻna'tte sinagung Apudyus.

1 Corinthians 4:3

Adiḵpun ambiyangan anguwisanyu ḵan saḵon baḵon nu sa maḵuwisaḵ atta ngaimane korti. Ḵad taḵon ay saḵon, adiḵpun ḵuwison long-agḵu.

1 Corinthians 4:5

Pun adiyu ḵuwison da asintataguyu'tte daampun timpuna. Uwayonyu ustu we timpu we dumaḵngan Apu ta siya anḵuwis. Te siya angitoḵwaḻ atta losane mitataḻu ya siya bos angipaigammu si panggob da pusuda. Sanat timpu we asin Apudyus padayawan tagu sigun atta ambaḻu we ḵingwana.

2 Corinthians 1:12

Annaya isḵaḻni, panoḵnoḵan ni somsomoḵni ye ippun nantultulliyanni'tta asintataguni si annae lubung amod ay diḵayu. Te indaḻan Apudyus diḵani ta maḻpu'tte pusu ḵan naapudyusan da losane ḵoonni ya da losane ibagani. Pun daḵampun aḵ ḵingwani da sanae mipagapu si laing di tagu yaḵon mipagapu si ḵabooḻan Apudyus gapu'tte amode ḵinabaḻuna'tta tagu.

2 Corinthians 5:10

Te ḵasapuḻane losan taḵu sumangu ḵan Kristu we maḵuwis ta sa sin-ossaossa ḵan ditaḵu, awatona gungunae maatod ḵan siya sigun atte ḵingwana si natattaguwana, ambaḻu man baḵon nu lawweng.