1 Corinthians 4:19 - Sa Ugud Apudyus

¹⁹ Nu iyunud oḵyan Apudyus, masapaaḵe umali sinat. Ḵad sadi angil-aḵ atta sanate ansoḵaḻ, nu awad ḵabooḻanda baḵon nu abus sungadda'ḵ an-uguugud.

1 Corinthians 4:19 ပူးပေါင်းရင်းမြစ်များ

Acts 18:21

Yaḵon anna ḵade umoyon ḵanana, “Mipauliyaḵ ḵan diḵayu nu pinion Apudyus.” Pun nambapur we ḵesan ad Ephesus.

Acts 19:21

Nagangput ḵad sanae naḵwa, simsimmoḵ Paul we angoy si probinsiya'd Macedonia ḵan Achaia ya asiyot umoy ad Jerusalem. Ḵanana, “Nu magangputaḵ umoy sidi, ḵasapuḻane iyyaḵ os ad Rome.”

Acts 20:2

Ummoyna ginaḵay da namati'tta ḵinailin di ili sidi ta soḻgagona dida woḵ ummoyon ad Achaia we ngannonda Greece.

Romans 15:32

Ḵad iluwaḻuyu ta nu pinion Apudyus allaylayadaḵe umali ḵan diḵayu ya malin-awaan somsomoḵḵu we maḵabuḻbuḻun.

1 Corinthians 11:34

Ḵad nu awad nauḻat, umuna oḵyane angan atte boḻoyna ta magimung ḵayu ḵad adin diḵayu ḵan Apudyus ḵuwison. Ḵad sa mipanggob atta udume ibilinḵu ḵan diḵayu, asiḵ ibaga nu umaliyaḵ sinat.

1 Corinthians 14:5

Pioḵ oḵyan nu losan ḵayu nalainge an-ugud atta nansabasabali ye ugud yaḵon amo pipioḵ nu awad ḵabooḻanyu losane angipaigammu'tta losane gimung si pinion Apudyus. Te amo bumadang tagu we angipaigammu'tta pinion Apudyus nu sa an-ugud atta nansabasabali ye ugud. Malaksid nu awad angipaḵaawat ta masoḻgagan da losane namati.

1 Corinthians 16:5

Sa planuḵ sinsadi angoyaḵ ad Macedonia ta antuttuduwaḵ sidi ḵad asiyaḵot umoy bumisita ḵan diḵayu.

1 Corinthians 16:7

Adiḵpun pione ilan diḵayu sinsadi te sin-aḵitane abus inggawaḵ ḵan diḵayu. Te namnamaoḵe sa udume timpu manunnuwan inggawaḵ ḵan diḵayu sinat nu iyunud oḵyan Apudyus.

1 Corinthians 2:6

Yaḵon awad de ḵinalainge ituttuduni'tta naangsan si pammati, daḵampun aḵ naḻpu'tte ḵinalaing da tagu si sanae timpu ya ḵinalaing da pangat si sanae timpu we amungtu ḵabooḻanda.

1 Corinthians 4:18

Awad ḵanu da udume ampasindayaw ḵan diḵayu te ḵanandapun nu adiyaḵpun umali ḵan diḵayu.

1 Corinthians 4:6

Susunud ḵan Kristu, inusarḵu diḵani ḵan Apollos aḵ ampaniyan para'tte bumaḻuwanyu ta adaḻonyu ḵan diḵani pion ni nigili ugudone ḵanana, “Adiyu dog-an da nigili.” Ta naippun oḵyan osa ḵan diḵayu'ḵ itaḻayagna osae tagu ya ipababana osa.

2 Corinthians 1:23

Yaḵon sinsadi, aḵ Apudyus anaḵdoḻ ḵan saḵone tuttuwa annae ibagaḵ. Adiyaḵpun nipauli sinat ad Corinth te adiḵpun pione paḻawengon somsomoḵyu nu suppaḵaḵ diḵayu'tta ḵingwayu.

2 Corinthians 10:9

Adiḵpun pione ḵananyu we og-ogyatoḵ diḵayu'tta suḻatḵu.

Hebrews 6:3

Sa ḵoon taḵu oḵyan nu iyunud Apudyus, adaḻon taḵu da naadaḻome tuttudu we amapigsa'tta pammati taḵu.

James 4:15

Pun ḵananyu oḵyane, “Nu siya pion Apu, matagu ḵani ya ḵaḵna ḵan ḵatti da ḵoonni.”