1 Corinthians 4:15 - Sa Ugud Apudyus

¹⁵ Te taḵon ay nu adipun mabelang da angayyuwan ḵan diḵayu ḵan Kristu, ossaan amayu. Te saḵon nambalin aḵ amayu gapu si niyossaananyu ḵan Jesu Kristu mipagapu si Ambaḻu we Damag.

1 Corinthians 4:15 ပူးပေါင်းရင်းမြစ်များ

Romans 15:20

Te siya panggobḵu iyyaḵ iwaḻagawag Ambaḻu we Damag atta ḵinailin di ili ye daampun andongoḻ si mipanggob ḵan Kristu ta adiyaḵ antaḵad si labaw ni insaad da udume tagu.

1 Corinthians 1:30

Yaḵon aḵ Apudyus naḻpuwan ni biyag taḵu mipagapu'tte niyossaanan taḵu ḵan Jesu Kristu we naḻpuwan ni ḵinalaing. Ḵad gapu ḵan siya, naun-unan taḵu ya mitotoḵḵon taḵu'ḵ taguna ta bumaḻu ugali taḵu ya masubut taḵu'tta dusan da basuḻ taḵu.

1 Corinthians 15:1

Susunudḵu ḵan Kristu, pioḵe ipaspasmoḵ Ambaḻu we Damag we sa iwwaḻagawagḵu ḵan diḵayu, sadi bos inawatyu ḵan lummamutan da pammatiyu.

1 Corinthians 3:10

Gapu si ḵinabaḻun Apudyus we impailana ḵan saḵon, isuḵ nalainge antaḵad aḵ boḻoy, ummaḵ ginagaaman nangisaadaḵ ḵad da udume tagu asi amagatup si sadi ye insaḻadḵu. Yaḵon awad osa ḵasapuḻane laḻamana inonae antaḵad.

1 Corinthians 3:6

Sa mipaniyana, isun di saḵon nangimuḻa si buḵoḻ ya aḵ Apollos nansilug yaḵon aḵ Apudyus namadaḵoḻ.

1 Corinthians 3:8

Naippun nantoḵonan ni angimuḻa ya sa ansilug te an-isu panggobda. Ḵad sa umali ye aḻgaw, gungunaan Apudyus dida sigun atta ḵingwada.

1 Corinthians 9:12

Pun nu awad ḵaḻabbongan da udume ampabadang ḵan diḵayu, amo sindumallu ḵan diḵani? Yaḵon taḵon ay nu awad ḵaḻabbonganni ye ampabadang ḵan diḵayu, adinipun ipatut te inan-anusanni taḵon ay ngai ampaḵaḻamanni ta ippun matupodan ni Ambaḻu we Damag si mipanggob ḵan Kristu.

1 Corinthians 9:14

Isuna bos bilin Apu we ḵanana, da angiwaḻagawag atte Ambaḻu we Damag ippun udum aḵ maḻpuwan ni iḵataguda nu adi abus ḵewaaḻda.

1 Corinthians 9:16

Te nu iwaḻagawagḵu Ambaḻu we Damag ippun ḵaḻabbongaḵe angiyisḵaḻ. Te naitod ḵan saḵon biyang, pun ḵasapuḻane iwaḻagawagḵu. Ḵad ḵaddaguwaḵ nu adiḵ iwaḻagawag Ambaḻu we Damag.

1 Corinthians 9:18

Pun nu ḵatti, ngai gungunaḵ nu? Annayae abus: Naippun udum nu adi sa layadḵu we angiwaḻagawag si Ambaḻu we Damag we ippun tangdanḵu taḵon ay awad de ḵaḻabbongaḵe pataḻ-un ḵan dida.

1 Corinthians 9:23

Ḵooḵ losan da sana gapu'tte Ambaḻu we Damag ḵad maḵabillayaḵ atta bindisyune itton Apudyus ḵan dida.

2 Corinthians 4:5

Te daḵampun aḵ sa mipanggob atta long-agni iwwaḻagawagni yaḵon sa mipanggob ḵan Jesu Kristu we Apu. Ḵad anserbi ḵani ḵan diḵayu gapu ḵan Jesus.

Galatians 3:24

Pun isun di binantayan ditaḵu si lintog inggana si ummaliyan Kristu ta siya angwa si maun-unan taḵu si antotollong Apudyus gapu si pammati.

Galatians 3:25

Yaḵon sinsadi te annae ummali'ḵ Kristu we pinati taḵu, daḵampun ogon aḵ sa lintog isun di angipupugod ḵan ditaḵu.

Galatians 4:19

Gapu ḵan diḵayu ay-ayatoḵe aabeng, ampaḵaḻamaḵ ose isun ni inae anggumut inggana'ḵ awad ḵan diḵayu ugalin Kristu.

2 Timothy 4:3

Te dumatong timpu we adimpun da tagu pione andongoḻ atte tuttuwae tuttudu ḵad gapu ta pionda unudon awad si somsomoḵda, an-ayagda'tta tagu we angituttudu'tta piondae dongngon.

Titus 1:4

Annaya suḻatḵu ḵan siḵa Titus we imbelangḵu'ḵ abengḵu gapu si pammati taḵu. Awad oḵyan ḵan siḵa ḵinabaḻu ḵan lin-awae maḻpu ḵan Apudyus we Ama taḵu ya aḵ Jesu Kristu we anagu ḵan ditaḵu.

Philemon 1:19

Ilam ḵad! Saḵone mismu nangigili si anna ya nampilma ta angigammuwame ituttuwaḵ da imbagaḵ. Saḵon aḵ Paul. Bayadaḵ utang Onesimus. Yaḵon adim maliwatane nautanganḵa ḵan saḵon gapu'tte baru we biyagnu te binadangaḵ siḵae nambalin aḵ kristianu.

James 1:18

Mismu we piniona nambalinon ditaḵu'ḵ abengna gapu si ugude ḵatuttuwaan ta ditaḵu ḵapatogan atta losane ḵingwana.

1 Peter 1:23

Te niyanaḵ ḵayu ḵasin ḵad sa baru we biyagyu daḵampun aḵ naḻpu si tagu we matoy yaḵon naḻpu ḵan Apudyus we adipun matoy. Nambalinona diḵayu'ḵ abengna mipagapu si matattagu ḵan annanayune Ugud Apudyus.