1 Corinthians 4:12 - Sa Ugud Apudyus

¹² Pumangopangog ḵani bose angilabbu'tta masapuḻni. Nu awad an-aḻawag ḵan diḵani, iluwaḻuwanni ta mabindisyunanda, ḵad nu ampaḵaḻamonda diḵani, attomanni.

1 Corinthians 4:12 ပူးပေါင်းရင်းမြစ်များ

Matthew 5:11

Pian ḵayu nu potogonda diḵayu ya ampaḵaḻamon diḵayu ḵan an-ugudan diḵayu'ḵ lawweng gapu'tte pammatiyu ḵan saḵon.

Matthew 5:44

Yaḵon ibagaḵ ḵan diḵayu we andongoḻ. Pagatupanyu ayaton da ḵabusuḻyu ya pagatupanyu iluwaḻuwan da amaḵaḻam ḵan diḵayu,

Luke 23:34

Pun ḵanan Jesus, “Ama, pakawanom dida te ippun igammuda'tte ḵoonda.” Da suḻdadu ḵad, nambubbunutda woḵ nambisbisaḵanda silupna.

Luke 6:28

Pagatupanyu ḵodawon ḵan Apudyus ta bindisyunana da dam-on angaḻawag ḵan diḵayu. Ḵad pagatupanyu bos iluwaḻuwan da dam-on angam-ames ḵan diḵayu.

John 15:20

Sosomḵonyu da imbagaḵ ḵan diḵayu, naippun sammilu'ḵ nangatngatu nu sa apuna. Nu nampaḵaḻamonaḵ, ampaḵaḻamonda bos diḵayu. Ḵad nu tuttuwaonda da ugudḵu, tuttuwaonda bos da ugudonyu.

Acts 18:3

ḵad gapu ta an-isu ḵewaaḻdae anḵoḵopya'ḵ tulda, inninggaw ḵan dida naḵaḵewaaḻ.

Acts 20:34

Iniiggammuyu we nanḵewaaḻaḵ ta inginaḵ atta ḵasapuḻaḵ ya sa ḵasapuḻan da buḻunḵu.

Acts 7:60

Pun nanalluḵu woḵ ḵananae nangiyipḵaw, “Apu, adim oḵyan ipabasuḻ ḵan dida annae ḵingwada ḵan saḵon.” Ginangputna ḵad imbaga sana, natoy.

Romans 12:14

Nu awad amaḵaḻam ḵan diḵayu, adiyu aḻawagan dida yaḵon iluwaḻuwanyu ta bindisyunan Apudyus dida.

Romans 12:20

Yaḵon unudonyu nigili ye Ugud Apudyus we ḵanana, “Nu nauḻat ḵabusuḻyu, paḵananyu ḵad nu nauwaw, ittanyu'ḵ inumona. Te nu ḵatti ḵoonyu, mabainan si ḵingwana.”

Romans 8:35

Pun ngai ḵallamog angisina ḵan ditaḵu'tte ayat Kristu? Lamog ḵamman ni ampaḵaḻaman, salidudu, ampaḵaḻamon da tagu ditaḵu, sa inggi, ḵinaḵapus, ḵaog-ogyate maḵwa ya sa ḵatoy?

1 Corinthians 9:6

Diḵani ḵamman ḵan Barnabas abus aḵ ḵasapuḻane anḵewaaḻe ippun ḵaḻabbonganni ye maittan aḵ iḵataguni?

2 Corinthians 11:8

Isunan inaḵawḵu pilaḵ da gimung da namati'tta udume ili si inawatḵu badangda ta anserbiyaḵ ḵan diḵayu.

Ephesians 4:28

Nu awad aḵḵawan ḵan diḵayu, iginoḵna oḵyan yaḵon ipapuutnae anḵewaaḻ aḵ iḵataguna ta awad ibadangna'tta anḵasapuḻ.

1 Thessalonians 2:9

Susunudḵu ḵan Kristu, aaddi ye adiyupun naliwatan inonni ye pummangog ta adi ḵani ambalin aḵ problema ḵan diḵayu. Aḻgaw ḵan labi ye antuttudu ḵani ya anḵewaaḻ ḵani si inninggawanni sinate nangiwaḻagawag atte Ambaḻu we Damag we naḻpu ḵan Apudyus.

2 Thessalonians 3:8

Daḵampun os aḵ adini binayadan da ḵinanni te pummangog ḵani ye nanḵewaaḻ atte inaḻgaw ya nilabi ta adi ḵayu ampaḵaḻam atta masapuḻni.

1 Timothy 4:10

Siya gapunae igga taḵu ḵabooḻan taḵu te sadi namnamaon taḵu ḵan Apudyus we matattagu we anagu'tta losane tagu, dallu gay ditaḵu we namati.

1 Peter 2:23

Inang-angyagda ḵad, adipun os ummang-angyag. Nampaḵaḻamonda ḵad, adinapun inḵoḻkog dusa ḵan dida yaḵon nantaḻgod ḵan Apudyus we naun-unan anḵuḵuwisna.

1 Peter 3:14

Yaḵon taḵon ay nu ampaḵaḻam ḵayu gapu si angwaanyu'tte ustu, mabindisyunan ḵayu. Pun adi ḵayu maḵimut atta amaḵaḻam ḵan diḵayu ya adi ḵayu ambinsaw,

1 Peter 3:9

Nu awad angwa ḵan diḵayu'ḵ lawweng, adiyu ibaḻos. Nu awad os an-ugud aḵ lawweng, adiyu songbatan aḵ lawweng yaḵon iluwaḻuyu ḵan Apudyus ta bindisyunana dida. Te pinilin Apudyus diḵayu'ḵ mismu we taguna ta maḵatawid ḵayu si bindisyun.

1 Peter 4:19

Pun diḵayu we ampaḵapaḵaḻam gapu si pinion Apudyus, ipapatiyu ḵoon da ambaḻu ya itaḻgodyu da ḵalidodwayu we ustu ḵan Apudyus we mataḻgodane nangwa.

Jude 1:9

Taḵon ay pangat da anghel we aḵ Michael, adipun nan-ugud aḵ lawweng ta ḵuwisona'ḵ Satan atte nansongbatanda ḵan Satan mipanggob atte ngai ḵaḻabbonganae angaḻa si ladag Moses. Abuse ḵanana, “Aḵ Apudyus asi anuppaḵ ḵan siḵa.”