1 Corinthians 4:11 - Sa Ugud Apudyus

¹¹ Inggana sinsadi, nauḻat ḵan nauwaw ḵani, kurang da silupni ya ampaḵaḻam ḵani ya ippun ustu'ḵ boḻoyni.

1 Corinthians 4:11 ပူးပေါင်းရင်းမြစ်များ

Matthew 8:20

Ḵanan Jesus we summongbat, “Da mutit awad da lunguge inggawanda ya da sissiwit awad os da suḵbutda. Yaḵon saḵon ḵade Abeng Di Tagu we naḻpu'd langite niyanaḵ sina'd luta, naippun boḻoyku'ḵ iyyaḵ masuyopan.”

Acts 14:19

Yaḵon dummatong sidi da Judyu we naḻpu'd Antioch ya ad Iconium woḵ inawisda da aduadu we tagu ta batubatuwonda'ḵ Paul ya butbutonda si lasin ni siyudad te ḵanandapun nu natoy.

Acts 16:23

Ginangputda ḵad dida inap-aplit, impaibaḻudda dida woḵ binilinda guwaḻda ta guwaḻdaana didae ustu.

Acts 23:2

Inugudna ḵad ay sadi, imbilin Ananias we ḵangatuwane padi'tta tagu we adani ḵan Paul ta tippaponda sungadna.

Romans 8:35

Pun ngai ḵallamog angisina ḵan ditaḵu'tte ayat Kristu? Lamog ḵamman ni ampaḵaḻaman, salidudu, ampaḵaḻamon da tagu ditaḵu, sa inggi, ḵinaḵapus, ḵaog-ogyate maḵwa ya sa ḵatoy?

1 Corinthians 9:4

Ippun ḵamman ḵaḻabbonganni ye mapaḵanan ḵan mapainuman gapu'tte annae ḵewaaḻni?

2 Corinthians 11:20

Te anuanusanyu dida nu ambalinon diḵayu'ḵ musassu baḵon nu gundawayan diḵayu, siḵapanda diḵayu, ampasindayawda ḵan diḵayu ya lipaḵonda da bosaḻyu.

2 Corinthians 4:8

Taḵon ay nu ippun adini impadase ampaḵaḻaman, adiḵanipun paabaḵ. Udumna ḵad, ippun igammuni'ḵ ḵoonni yaḵon adiḵanipun madismaya.

Philippians 4:12

Pinadasḵu we naaḵitan ḵan nansawasawaḻ. Ngaimane maḵwa ḵan saḵon, mauḻataḵ baḵon nu massugaḵ taḵon ay aḵit baḵon nu nasawasawaḻ da ḵasapuḻaḵ, igammuḵ inoḵe mat-op.

2 Timothy 3:11

Igammum os da losane naḵwa ḵan saḵon ad Antioch, Iconium ya ad Lystra we ummamdan nampaḵaḻamaḵ. Yaḵon sinaḻaḵnibanaḵ ḵan Apudyus.