1 Corinthians 4:10 - Sa Ugud Apudyus

¹⁰ Diḵani ḵad, gapu'tte nanserbiyanni ḵan Kristu, ḵanandae dong-og ḵani. Yaḵon ḵan diḵayu, ḵananyu we nalaing ḵayu gapu'tte niyossaananyu ḵan Kristu. Diḵani ḵad, anḵuya ḵani yaḵon diḵayu ḵad, anḵosdoḻ ḵayu. Am-amsewon os da tagu diḵani ya mapatgan ḵayu ḵan dida.

1 Corinthians 4:10 ပူးပေါင်းရင်းမြစ်များ

Matthew 24:9

“Sa umali ye aḻgaw, doḵmaanda diḵayu ya ampaḵaḻamon ḵan gongatonda diḵayu. Ḵad sasangngaan os diḵayu'tta losane tagu gapu si pammatiyu ḵan saḵon.

Matthew 5:11

Pian ḵayu nu potogonda diḵayu ya ampaḵaḻamon diḵayu ḵan an-ugudan diḵayu'ḵ lawweng gapu'tte pammatiyu ḵan saḵon.

Luke 10:16

Ḵanan Jesus we nangiyanungus atta disipuluna, “Ngaimane andongoḻ ḵan diḵayu, saḵon dingngoḻna. Ḵad sa angidiyan ḵan diḵayu, saḵon idiyanna. Ḵad sa angidiyan ḵan saḵon, idiyanna bos nangibuun ḵan saḵon.”

Luke 18:9

Inug-uggud os Jesus ḵan dida annae pani'tta sanae antaḻgoddae naun-unanda ḵan potogonda da asintataguda.

Luke 6:22

Pian ḵayu nu sasangngaan diḵayu'tta tagu, ya nu laḵsigonda diḵayu, potogonda diḵayu, ya am-amsewonda diḵayu gapu'tte pammatiyu ḵan saḵone Abeng Di Tagu.

Acts 17:18

Inninggaw os da udume mimistulun da Epicurean ya da Stoic we naḵasossongbat ḵan siya. Ḵanan da udum, “Ngai ibagabagan ni annate aginlalaing?” Ḵanan os da udum, “Siya nin iwaḻagawagna sabali ye apudyus.” Imbagada ḵaḵna te iwwaḻagawag Paul mipanggob ḵan Jesus ya sa ummuliyana.

Acts 17:32

Dingngoḻda ḵad imbagan Paul mipanggob atte umuliyan da natoy, inang-angyag da udum yaḵon da udum ḵananda, “Pionni ye dongngon ḵasin mipanggob si sana.”

Acts 26:24

Sa nanaḵdoḻan Paul atte long-agna, napapḵaaw aḵ Festus woḵ ḵanana, “Natingangḵa Paul! Sa ummamdane inadaḻnu natingangam!”

Acts 9:16

Ipailaḵ ḵan siya ummamdane ampaḵaḻamanae asina laḵ-amon mipagapu'tte ngadanḵu.”

1 Corinthians 1:21

Gapu si ḵinalaing Apudyus, adimpun ni tagu we adipun amati lamog igammuwon aḵ Apudyus mipagapu'tte laingnae mismu. Te sa pinion Apudyus taguwona da tagu we amati si ugudnae ngannonda dinodong-og, sadi Ambaḻu we Damag we iwwaḻagawagni ḵan diḵayu.

1 Corinthians 1:23

Yaḵon siya iwwaḻagawagni mipanggob atte natoyan Kristu atte kros ḵad siya nisubuḵan da Judyu ya dinodong-og atta Gentil.

1 Corinthians 1:25

Te sa ḵanandae dinodong-og Apudyus nangatu'ḵ adayu nu sa ḵinalaing da tagu ḵad sa ḵanandae ḵinaḵuyan Apudyus naḵosḵosdoḻ aḵ adayu nu sa ḵosdoḻda.

1 Corinthians 10:12

Pun ngaimane ḵananae ampigsa pammatina ya adipun masulisug, ummana ta adi bumasuḻ.

1 Corinthians 2:14

Yaḵon sa tagu we naippun Ispiritu Santu ḵan siya, adinapun awaton da ngaimane atode maḻpu'tte Ispiritu Santu te dinodong-og ḵan siya. Ḵad adinapun maawatan dida te abus da tagu we iinggawan ni Ispiritu Santu aḵ maḵaawat.

1 Corinthians 2:3

Sa inninggawaḵ ḵan diḵayu, anḵuya long-agḵu ya amilpilpilaḵ atte ḵimutḵu.

1 Corinthians 3:18

Ilanyu ta adiyu allelawon da long-agyu. Nu awad ḵananae nalaing si sanae timpu we nibatay atte ḵinalaing da adipun amati, ambalin oḵyan aḵ dong-og ta ambalin aḵ tuttuwae nalaing.

1 Corinthians 3:2

Pun intuttuduḵ ḵan diḵayu mipani'tte gatase mipainum si utting te adiḵayupun maḵaawat si naadaḻome mituttudu we mipani'tte anḵosdoḻe maḵan. Ḵad taḵon ay sinsana, sissiyae adiḵayupun maḵaawat

1 Corinthians 4:8

Atoḵayu paye iCorinth! Ḵananyu ḵammane wadawad da ḵasapuḻanyu? Bummaḵnang ḵayu tuwa! Ḵad taḵon ay nu naidḵanipun, nambalin ḵayu'ḵ ari! Ambaḻu oḵyan nu tuttuwae nambalin ḵayu'ḵ ari ta midoga ḵani si ampangatanyu!

2 Corinthians 10:10

Awad nin da udum ḵan diḵayu we ḵanandae antuḻodaḵe anuḻat atta pioḵ ibaga ḵan diḵayu yaḵon nu annaaḵ si sinagungyu anḵuyaaḵ ya ippun os anun da ibagaḵ.

2 Corinthians 11:19

Ḵad gapu ta nalalaing ḵayu, inan-anusanyu da ḵoḵoḵḵon da anḵadong-og.

2 Corinthians 11:29

Te nu ḵumuya osa, ḵumuyaaḵ os. Ḵad nu awad masulisug aḵ maḵabasuḻ, sumangaaḵ atte nanulisug.

2 Corinthians 13:9

Te allaylayad ḵani nu anḵuya ḵani ya anḵosdoḻ ḵayu. Ḵad sa iluwaḻuni ḵan Apudyus, bumaḻubaḻu oḵyan antataguyu ya pumigsa pammatiyu we ippun kurangna.

2 Corinthians 4:12

Pun tuttuwae pasigni tataggaḻon ḵatoy yaḵon ambanag si mataguwanyu'ḵ inggana.

2 Corinthians 6:8

Sa anserbiyanni ḵan Apudyus, awad da angidayaw ḵan awad os da angibabbain ḵan diḵani. Ḵad awad os da anginsultu ya awad os da ambaḻuwon diḵani. Ḵanan os da udume matuli ḵani yaḵon tuttuwa da ugudonni.

1 Thessalonians 4:8

Pun da ngaimane angidiyan atte annae bilin, daḵampun aḵ tagu idiyanna yaḵon aḵ Apudyus we nangitod atte Ispiritu Santu ḵan diḵayu.

1 Peter 4:14

Pian ḵayu nu maang-angyag ḵayu gapu si pammatiyu ḵan Kristu te sadi angigammuwanyu we iinggaw ḵan diḵayu madaydayawe Ispiritun Apudyus.