1 Corinthians 3:23 - Sa Ugud Apudyus

²³ Diḵayu ḵad, ḵuwan Kristu diḵayu ya aḵ Kristu ḵad, ḵuwan Apudyus.

1 Corinthians 3:23 ပူးပေါင်းရင်းမြစ်များ

Matthew 17:5

Sissiya ḵade an-uguugud, baag-en nalibuuwanda si ampaddapadda woḵ dingngoḻda gingae naḻpu'tte libuu we ḵanana, “Annaya ay-ayatoḵe abengḵu ya siya masmas-omaḵ. Dongngonyu da ibagana.”

John 17:18

Sa nangibuunam ḵad ḵan saḵon si annae lubung isuna nangibuunaḵ atta disipuluḵ si lubung.

John 17:21

Iluwaḻuḵe an-os-ossaanom dida losan. Ama, awadḵa ḵan saḵon ya awadaḵ ḵan siḵa ya awadda oḵyan os ḵan dita ta amati da tagu we siḵa nangibuun ḵan saḵon.

Romans 14:8

Nu matagu taḵu, matagu taḵu ta madayawan Apu Jesus ḵad nu matoy taḵu, matoy taḵu bos ta madayawan Apu Jesus. Pun taḵon ay matagu taḵu baḵon nu matoy taḵu, ḵuwan Apu Jesu Kristu ditaḵu.

1 Corinthians 11:3

Yaḵon awad os osae pioḵe maawatanyu we aḵ Kristu isun di uḻun da losane laḻaḵi ḵad sa laḻaḵi isun di uḻun ni asawana. Ḵad aḵ Apudyus siya isun di uḻun Kristu.

1 Corinthians 15:23

Yaḵon nauḻnus da maḵwa: umuna umuli'ḵ Kristu ya nu dumatong aḻgawe mipauliyana, asiyot da losane nanḵaḵatoye namati midoga ḵan siya.

1 Corinthians 15:28

Ḵad nu ipangatan Kristu da ngaiman, sadi timpu we ipuḻangna dida ḵan Apudyus we Amana ta ipangatana dida ḵad idogana bos long-agna paipangat ḵan Amana te siya ḵangatuwane angipangat atta losan.

1 Corinthians 7:22

Te nu musassuḵa'tte napiliyam ta niyossaanḵa ḵan Apu, napuḵayanḵa'tte basuḻ gapu ḵan Kristu. Ḵad nu daḵanḵapun aḵ musassu'tte napiliyam, nambalinḵa'ḵ musassun Kristu sinsadi.

1 Corinthians 8:6

Yaḵon ḵan ditaḵu, ossaan Apudyus we Ama taḵu. Siya nangwa'tta losane banag ya siya gapun ni mataguwan taḵu. Ossaan Apu we siya'ḵ Jesu Kristu. Naḵwa da losane banag mipagapu ḵan siya ya matagu taḵu mipagapu ḵan siya.

2 Corinthians 10:7

Itollongyu ḵad da mailan da atayu, ippun ḵamman mailayu'tta naḵwa ḵan diḵayu? Nu ḵanandae dida da ustu we tagun Kristu, siya oḵyan sosomḵonda ḵan maawatanda tagun os Kristu diḵani ye isuni dida.

Galatians 3:29

Ḵad gapu ta niyossaan ḵayu ḵan Kristu, nibelang ḵayu'ḵ ganaḵ Abraham ya maḵatawid ḵayu'tta inkarin Apudyus ḵan siya.

Galatians 5:24

Te da tagun Jesu Kristu, naḵaan ḵan dida antataguda'tte awe ye da pipion da long-agda ya da lawwenge pipionda te isun di nagangputda nipattoḻ atte kros.

Ephesians 1:10

Annaya planuna: Nu magangput losan da ḵasapuḻane maḵwa ya dumatong ustu we timpu, uḻnusona da losane anna'd langit ya sina'd luta ya paipangatna dida ḵan Kristu.