1 Corinthians 3:16 - Sa Ugud Apudyus

¹⁶ Adiyupun ḵamman igammu we diḵayu templo we boḻoy Apudyus gapu'tte Ispiritunae iinggaw ḵan diḵayu?

1 Corinthians 3:16 ပူးပေါင်းရင်းမြစ်များ

John 14:17

Siya Ispiritu Santu we angituttudu ḵan diḵayu si ḵatuttuwaan mipanggob ḵan Apudyus. Da tagu we adipun amati ḵan saḵon, adidapun awaton te adidapun igammu ya immatunan. Yaḵon ḵan diḵayu, igammuyu te awad ḵan diḵayu ya iinggaw ḵan diḵayu.

Romans 6:16

Adiyupun ḵamman igammu we nu ngai angittanyu'tta long-agyu ya tuttuwaonyu, siya simmusassu ḵan diḵayu? Nu sa basuḻ angittanyu'tta long-agyu, ambanag atte matoyanyu. Yaḵon nu ittonyu da long-agyu'ḵ tumuttuwa ḵan Apudyus, siya simmusassu ḵan diḵayu ya siya angwa si maun-unanyu.

Romans 6:3

Adiyupun ḵamman igammu we losan taḵu we nabonyagan ḵan Jesu Kristu nidoga taḵu bos atte natoyana?

Romans 8:11

Sa osa bos, aḵ Apudyus we nanagu ḵasin ḵan Jesu Kristu nu awad ḵan diḵayu Ispirituna, taguwona bos da long-agyu we matoy mipagapu si Ispiritunae iinggaw ḵan diḵayu.

Romans 8:9

Yaḵon ḵan diḵayu, daḵampun ogon si gagangaye pipion ni long-ag angituray ḵan diḵayu yaḵon sa Ispiritu Santu angituray ḵan diḵayu nu tuttuwae siya iinggaw ḵan diḵayu. Ngaimane tagu we naippun Ispiritu Santu we inkarin Jesus, daḵampun aḵ tagun Kristu.

1 Corinthians 3:17

Pun ngaimane tagu we anadail atte templo, dadailon os Apudyus. Te sa sadi ye templo ḵuwan Apudyus ḵad diḵayu we mismu templo.

1 Corinthians 3:9

Te diḵani ḵan Apollos an-asibadang ḵani ye angwa'tta paḵwan Apudyus. Ḵad diḵayu isun di payawe ḵewaaḻonni. Ipaniḵ os diḵayu si boḻoye taḵadon Apudyus.

1 Corinthians 5:6

Daḵampun aḵ ambaḻu ansoḵaḻ ḵayu. Adiyupun ḵamman igammu we sa poose yeast pabotaḻona losan niḵamsanae arina?

1 Corinthians 6:16

Adiyupun ḵamman igammu we nu miyadaḻug ay osae tagu'tte puta, ambalinda'ḵ ossaane long-ag? Te sa ḵanan ni nigili ye Ugud Apudyus, “Da duwa nambalinda'ḵ ossaane long-ag.”

1 Corinthians 6:19

Adiyupun ḵamman igammu we sa long-ag taḵu templon ni Ispiritu Santu we innattod Apudyus aḵ iinggaw ḵan ditaḵu? Daḵampun aḵ ḵuwa taḵu long-ag taḵu te ḵuwan Apudyus,

1 Corinthians 6:9

Adiyupun ḵamman igammu we da angwa'ḵ lawweng adidapun gangganason da laḵsunda si midog-anda si ampangatan Apudyus? Adiyu allelawon da long-agyu te da angadaḻug atta daḵampun aḵ asawada, da andayaw atta sinan-apudyus, da laḻaḵi ye angadaḻug atta asillaḻaḵida ya da bubai ye angadaḻug atta asimbubaida, da maḵadagdagas ya da laḻaḵi ye mabayadan,

1 Corinthians 9:13

Adiyupun ḵamman igammu we da anserserbi si templo maḻpu ḵanonda si templo ya da anserserbi si altar maḵabillayda'tte datun?

1 Corinthians 9:24

Ipaniḵ namatiyan taḵu'tte todtoddaḵ. Igammu taḵu we nu awad todtoddaḵ, padason da losane maḵatodtoddaḵe angngog yaḵon ossaan magungunaan. Pun isuna ḵan ditaḵu we namati, igga taḵu ḵabooḻan taḵu ta maaḻa taḵu gungunae itton Apudyus.

2 Corinthians 6:16

Ḵad maḵwa ḵamman antitimpuyug da templon Apudyus atta sinan-apudyus? Ditaḵu templo we boḻoy Apudyus we iinggawan ni matattagu we Apudyus. Te ḵanan Apudyus, “Iyyaḵ inggaw atta tagu ya iinggawaḵ ḵan dida ya saḵon Apudyusda ya dida da taguḵ.”

1 Timothy 3:15

Nu mataḵtaḵaḵ, igammuwom da inon ni antatagun da tagu we nidoga si baḻyan Apudyus. Ditaḵu we namati si matattagu we Apudyus nangitaḻgodana si tuttuwae tuttudu ta ilan taḵu we mituttudu we ustu ya adipun mapasantan.

2 Timothy 1:14

Mipagapu'tte ḵabooḻan ni Ispiritu Santu we iinggaw ḵan ditaḵu, ayyuwaname ustu ampatoge tuttudu we intaḻgod Apudyus ḵan siḵa.

Hebrews 3:6

Yaḵon aḵ Jesu Kristu, mataḻgodane Abeng we angayyuwan atta tagun Apudyus. Ḵad ditaḵu da tagun Apudyus nu pagatupan taḵu tuḻod taḵu ḵan sissiyae antaḻgod taḵu si namnama taḵu ḵan Kristu.

James 4:4

Diḵayu we adipun mataḻgodan da pammatiyu ḵan Apudyus. Adiyupun ḵamman igammu we nu siya ayatonyu da gangganason da tagu we adipun amati, ḵabusuḻ diḵayu ḵan Apudyus? Pun ngaimane angunud atta ugali ye misullagi'tta pinion Apudyus, ambalinona long-agna'ḵ ḵabusuḻ Apudyus.

1 Peter 2:5

Gapu si umadaniyanyu ḵan Jesu Kristu, mipani ḵayu bos si matattagu we batu we mausar si antaḵadan atte boḻoye ḵuwan Apudyus aḵ anserbiyanyu we papadi ye nitotoḵḵon para ḵan siya ya idatunyu da datun para ḵan siyae abuse mas-omana mipagapu ḵan Jesu Kristu.

1 John 4:12

Ippun paat tagu'ḵ nangila ḵan Apudyus. Yaḵon nu an-asiayat taḵu, iinggaw aḵ Apudyus ḵan ditaḵu ḵad maila si biyag taḵu ayat Apudyus we naippun kurangna.