1 Corinthians 3:15 - Sa Ugud Apudyus

¹⁵ Yaḵon nu masgob da ḵingwan ni tagu, ippun awatona'ḵ gunguna taḵon ay nu matagu we mismu isuna tagu we lamogna iligsi long-agna'tte masgobe boḻoy.

1 Corinthians 3:15 ပူးပေါင်းရင်းမြစ်များ

Acts 27:21

Gapu ta nabayage ippun nangananda, summiḵad aḵ Paul woḵ ḵanana, “Susunud, nu tinuttuwayu oḵyan imbagaḵe adi taḵu malikkat ad Crete, naippun nadadail ḵan nataḻaḵ.

Acts 27:44

ḵad umun-unud da udume ampataw atta tabla ḵan udume ḵayun ni bapur. Pun dummatong ḵani si taḻantage ippun naḵwa ḵan diḵani.

1 Peter 4:18

Ḵanan ni nigili ye Ugud Apudyus, “Nu ansigab mataguwan da naun-unane tagu, ngai ambanagan da ippun Apudyusda ya da ḵabasbassuḻan?”

2 John 1:8

Ummanyu ta adiyu taḻaḵon da ḵinewaaḻyu yaḵon gun-udonyu da losane gunguna.

Jude 1:23

Ḵad taguwonyu da udume adipun namati ye isun di lapsutonyu dida si apuy ad infiernu. Ḵadaguwanyu bos da ḵabasbassuḻan yaḵon ummanyu ta adi ḵayu mamansaan atte lawwenge ḵoonda.

Revelation 3:18

Pun bagbagaaḵ diḵayu we ngumina ḵayu si buḻawan ḵan saḵone naḻunag ḵan pinapoḻḵas ni apuy ta bumaḵnang ḵayu we tuttuwa. Ngumina ḵayu bos si itaḵe silupe iḵabotyu ta adi ḵayu mabainan gapu ta amboboddang ḵayu. Ngumina ḵayu bos si agase iyagasyu'tta atayu ta pumadda ilanyu.