1 Corinthians 3:11 - Sa Ugud Apudyus

¹¹ Te ippun udum aḵ nisaad nu adi abus aḵ Jesu Kristu.

1 Corinthians 3:11 ပူးပေါင်းရင်းမြစ်များ

Matthew 16:18

Pun ibagaḵ ḵan siḵa, siḵa'ḵ Peter, batu piona ḵanan. Ḵad sa annae labaw ni batu antaḵadaḵ si simbaanḵu we da losane amati ḵan saḵon. Ḵad naippun angngog ḵan dida taḵon ay ḵabooḻan ni ḵatoy, adinapun lamog oḻgon dida.

1 Corinthians 3:10

Gapu si ḵinabaḻun Apudyus we impailana ḵan saḵon, isuḵ nalainge antaḵad aḵ boḻoy, ummaḵ ginagaaman nangisaadaḵ ḵad da udume tagu asi amagatup si sadi ye insaḻadḵu. Yaḵon awad osa ḵasapuḻane laḻamana inonae antaḵad.

1 Corinthians 3:12

Awad da udume usaronda buḻawan, palata baḵon nu da ampapatoge batu. Yaḵon awad da udume siya usaronda ḵayu, potaw baḵon nu dagami.

Ephesians 2:20

Pun maḵwae mipani ḵayu'tte partin ni templo we boḻoy Apudyus we taḵadona. Da apostol ya da profeta we an-uuggudon Apudyus mipanidae nisaadan ni sanae templo ya aḵ Apu Jesu Kristu ḵapatogane batu'tte sanae nisaadana.

2 Timothy 2:19

Yaḵon taḵon ay nu awad da isudae angituttudu si tinutuli, adipun paat mabaliwan tuttuwae Ugud Apudyus te isun di ampagdot nisaadanae tinaḵad Apudyus we adipun paat magitot. Awad de nigili ye ḵanana, “Igammun Apudyus da tagu we ḵuwana.” Sa osa bose nigili si awe, ḵanana, “Nu ngai ḵananae namati ḵan Apu, ḵasapuḻane an-awidana da lawweng.”

1 Peter 2:4

Umadani ḵayu ḵan Apu Jesus we mipani si matattagu we batu. Sa annae batu, indiyan da tagu yaḵon siya pinilin Apudyus aḵ ḵapatogan ḵan siya.