1 Corinthians 2:8 - Sa Ugud Apudyus

⁸ Naippun naḵaawat atta pangat si sanae timpu. Te nu naawatanda oḵyan, adidapun impaipattoḻ ḵangatuwane Apu atte kros.

1 Corinthians 2:8 ပူးပေါင်းရင်းမြစ်များ

Matthew 11:25

Sa sadi ye timpu, ḵanan Jesus we nalluwaḻu, “Ama, ipangatam da losan sina'd luta ya ad langit. Anggappiyaaḵ ḵan siḵa te adimpun impaigammu ḵatuttuwaan atta nalalaing ḵan naadaḻane tagu, siya nangipaigammuwam da napakumbaba ya da antaḻgode isudan abeng.

Matthew 13:22

Da naottag atte laslasi, isuda da tagu we dingngoḻda Ugud Apudyus. Yaḵon gapu'tta binimbinsawda'tta biyagda si annae lubung ya piondae bumaḵnang, adidapun tungaguwon ugude dingngoḻda ḵad adipun mabaliwan da ugalida.

Luke 23:34

Pun ḵanan Jesus, “Ama, pakawanom dida te ippun igammuda'tte ḵoonda.” Da suḻdadu ḵad, nambubbunutda woḵ nambisbisaḵanda silupna.

John 16:3

Ḵoonda ḵaḵna ḵan diḵayu te adidapun inigammu'ḵ Amaḵ baḵon nu saḵon.”

John 7:48

Awad ḵad ain osa'tta papangat baḵon nu ossaan ḵan diḵani ye Pharisee aḵ namati ḵan siya?

John 8:19

Pun ḵanandae nan-imus, “Dinu ḵad ain aḵ Amam?” Ḵanan Jesus, “Naippun igammuyu ḵan saḵon baḵon nu aḵ Amaḵ. Nu igammuyu oḵyan saḵon, igammuyu bos aḵ Amaḵ.”

Acts 13:27

Te da tagu'd Jerusalem ya da papangatda, adidapun immatunane aḵ Jesus baḵon nu naawatan da imbagabagan da profetan Apudyus we basabasaonda'tta umillongan da Judyu. Pun dida nangituttuwa'tta imbagan da profetan Apudyus si nangoddonganda ḵan Jesus aḵ matoy.

Acts 7:2

Ḵanan Stephen, “Aamma ḵan susunude ganaḵ Israel, dongngonyu ud annae ibagaḵ. Sa awe, aḵ Apudyus we maḵabooḻ atta losan nampaila ḵan Abraham we daḵdaḵoḻ taḵu si inninggawana'd Mesopotamia si daanna ayan ad Haran,

1 Corinthians 1:20

Nu ḵatti maḵwa, ngai anun ni ḵinalaing nu? Ḵad ngai anun da mimistulun ni lintog nu? Ḵad ngai anun da nalalainge maḵasossongbat si sanae timpu nu? Daḵampun ḵamman aḵ dinodong-og ḵan Apudyus ḵinalaing da tagu we adipun amati?

1 Corinthians 2:6

Yaḵon awad de ḵinalainge ituttuduni'tta naangsan si pammati, daḵampun aḵ naḻpu'tte ḵinalaing da tagu si sanae timpu ya ḵinalaing da pangat si sanae timpu we amungtu ḵabooḻanda.

2 Corinthians 3:14

Isun di tummungitong da somsomoḵda. Taḵon ay sinsadi nu basaonda lintog Moses atte Dadaane Tuḻag, adidapun maawatan. Te adipun maḵaan anatallingod atta somsomoḵda nu adida amati ḵan Kristu.

Ephesians 1:17

Ḵad ḵodaḵodawoḵ si madaydayawe Ama taḵu we Apudyus ḵan aman Apu taḵu we Jesu Kristu mipagapu si Ispiritu Santu we ittona oḵyan ḵan diḵayu ḵinalaing ḵan ipaigammuna mipanggob ḵan siya.

Ephesians 4:18

Ḵad sissiyae anggiḵbot da an-aawatda ya naippun ḵan dida biyage itton Apudyus te naippun igammuda ḵan tummungitong da somsomoḵda.

1 Timothy 1:13

Taḵon ay nu pupaḵ nan-ugudan aḵ lawweng si awe, ininsultuḵ ya nampaḵaḻamoḵ da nitun-ud ḵan siya yaḵon ḵinadaguwanaḵ pos pagay ḵan Apudyus. Te daanaḵpun amati ḵan Jesus ya ippun igammuḵe lawweng da ḵingwaḵ.

James 2:1

Susunudḵu ḵan Kristu, adiyu laḵlaḵsigon da tagu nu amati ḵayu ḵan Apu Jesu Kristu we madaydayaw ḵan ḵangatuwane Apu.