1 Corinthians 2:5 - Sa Ugud Apudyus

⁵ Ta sa pammatiyu adipun mibatay atte ḵinalaing di tagu yaḵon sa ḵabooḻan Apudyus.

1 Corinthians 2:5 ပူးပေါင်းရင်းမြစ်များ

Acts 16:14

Osa'tta nandongoḻ ḵan diḵani'ḵ Lydia we iThyatira we allaḵlaḵu'tta nanginginae sinnun ya andaydayaw ḵan Apudyus. Nandodongngoḻ ḵad, sinilawan Apu somsomoḵna woḵ namati.

1 Corinthians 1:17

Te daḵampun aḵ imbuun Jesu Kristu saḵon aḵ umoy ambonyag yaḵon ta iwaḻagawagḵu Ambaḻu we Damag. Ḵad adiḵpun inusar nainlubungane ḵinalaing nu an-ugudaḵ ta adi maḵaan ḵabooḻan ni natoyan Kristu atte kros.

1 Corinthians 3:6

Sa mipaniyana, isun di saḵon nangimuḻa si buḵoḻ ya aḵ Apollos nansilug yaḵon aḵ Apudyus namadaḵoḻ.

2 Corinthians 12:9

Yaḵon sa insongbatna ḵan saḵon ḵanana, “Lamog ni ḵinabaḻuḵe bumadang ḵan siḵa'ḵ angan-anusam si sanate ampaḵaḻamam. Te amo mipaila ḵabooḻaḵ nu anḵuyaaḵ.” Pun amod de layadḵu we angiyisḵaḻ si ḵinaḵuyaḵ ta iinggaw ḵabooḻan Kristu ḵan saḵon.

2 Corinthians 4:7

Yaḵon diḵani ye angituttudu si Ambaḻu we Damag, isuni bangae ippun patognae napnu'tta ampapatoge ḵinabaḵnang ta mipail-an ni ḵabooḻane ippun miyisuwanae naḻpu ḵan Apudyus we daḵampun aḵ naḻpu ḵan diḵani.

2 Corinthians 6:7

Ḵad mipaila bos gapu'tte angituttuduwanni si ḵatuttuwaan ḵan ḵabooḻan Apudyus we ipailana mipagapu ḵan diḵani. Anna ḵan diḵani naun-unane antatagu gapu ḵan Kristu, siya isun di ispada ḵan ḵaḻasage usaronni ye maḵagubat atta bumusuḻ ḵan Apudyus.