1 Corinthians 2:15 - Sa Ugud Apudyus

¹⁵ Ḵad ngaimane iinggawan ni Ispiritu Santu, lamogna maawatan da ḵinapatog da losan. Yaḵon da udume tagu adidapun maawatan.

1 Corinthians 2:15 ပူးပေါင်းရင်းမြစ်များ

John 7:17

Ngaimane pionae angwa'tta pinion Apudyus, igammuwona nu maḻpu ḵan Apudyus da tuttuduḵ baḵon nu maḻpu si mismu we ḵaḻabbongaḵ.

Acts 16:3

Pion Paul we mibuḻun aḵ Timothy ḵan dida woḵ impasogyatna te igammun da losane Judyu we inggaw sidi ye Gentil amana.

1 Corinthians 14:37

Pun nu awad osa ḵan diḵayu'ḵ ḵananae naittan aḵ ḵabooḻane angipaigammu si pinion Apudyus baḵon nu awad ḵabooḻana'ḵ innatod ni Ispiritu Santu, ḵasapuḻane bigbigona annae insuḻatḵu ḵan diḵayu we imbilin Apu.

1 Corinthians 3:1

Yaḵon susunudḵu ḵan Kristu, adiyaḵpun antuttudu ḵan diḵayu we isun da naangsan pammatidae iturayan ni Ispiritu Santu yaḵon antuttuduwaḵ atta tagu'tte lubunge isun da utting atte pammati ḵan Kristu.

1 Corinthians 4:5

Pun adiyu ḵuwison da asintataguyu'tte daampun timpuna. Uwayonyu ustu we timpu we dumaḵngan Apu ta siya anḵuwis. Te siya angitoḵwaḻ atta losane mitataḻu ya siya bos angipaigammu si panggob da pusuda. Sanat timpu we asin Apudyus padayawan tagu sigun atta ambaḻu we ḵingwana.

Galatians 6:1

Susunudḵu ḵan Kristu, nu awad maigammu'ḵ buḻunyu'ḵ naḵabasuḻ, ilanyu ude idaḻan ni Ispiritu Santu ta badanganyu ya ampauliyonyu ta ḵoona da ustu we banag. Ambaḻuwonyu we bumadang ḵan siya ya ummanyu ta adi ḵayu masulisug os aḵ bumasuḻ.

Philippians 1:10

ta lamogyu imatunan ya piliyan ḵabaḻuwan. Te nu ḵatti, ambaḻubaḻu ugaliyu ya ippun oḵyan ḵingwayu'ḵ mipabasuḻ ḵan diḵayu si ḵasine umaliyan Jesu Kristu.

Colossians 1:9

Sa inggan ni aḻgawe nangngoḻanni, adinipun iginoḵe angiluwaḻu ḵan diḵayu. Ḵodaḵodawonni ḵan Apudyus we itton oḵyan ni Ispirituna ḵan diḵayu da losane laing ḵan pannakaawat ta igammuwonyu nu ngai pinion Apudyus ḵan diḵayu.

1 Thessalonians 5:21

Yaḵon ḵasapuḻane panoḵnoḵanyu da losane mituttudu ya siya pagay unudonyu da ambaḻu.

Hebrews 5:14

Yaḵon da namati ye maḵaawat atte naadaḻome tuttudu'tte Ugud Apudyus, isuda da nanaḵmane tagu we ḵanonda anḵosdoḻ. Te lamogda imatunan ambaḻu ḵan lawweng.

1 John 2:20

Yaḵon awad ḵan diḵayu Ispiritu Santu we innatod Kristu, siya gapunae igammuyu losan ḵatuttuwaan.

1 John 4:1

Ay-ayatoḵe buḻbuḻun, adi ḵayu amati'tta losane angibagae sa Ispiritu Santu naḻpuwan da ituttududa. Yaḵon ummanyu panoḵnoḵan nu tuttuwae naḻpu ḵan Apudyus te adu da sinan profeta we lummoswae ummoy nantuttudu'tta ḵinailin di ili'tte lubung.