1 Corinthians 2:14 - Sa Ugud Apudyus

¹⁴ Yaḵon sa tagu we naippun Ispiritu Santu ḵan siya, adinapun awaton da ngaimane atode maḻpu'tte Ispiritu Santu te dinodong-og ḵan siya. Ḵad adinapun maawatan dida te abus da tagu we iinggawan ni Ispiritu Santu aḵ maḵaawat.

1 Corinthians 2:14 ပူးပေါင်းရင်းမြစ်များ

Matthew 16:23

Yaḵon nansagung aḵ Jesus woḵ ḵanana, “Ḵumunudḵa Satan! Tumupodḵa ḵan saḵon. Te sa somsomoḵnu, daḵampun si pinion Apudyus yaḵon sa pion da tagu.”

John 10:20

Adu da ḵananda, “Naaḻanan ya naḻapang. Ngaipayu dongngon?”

John 12:37

Taḵon ay nu adu da nakaskasdaawe sinyale impailan Jesus ḵan dida, sissiyae adidapun amati ḵan siya,

John 14:17

Siya Ispiritu Santu we angituttudu ḵan diḵayu si ḵatuttuwaan mipanggob ḵan Apudyus. Da tagu we adipun amati ḵan saḵon, adidapun awaton te adidapun igammu ya immatunan. Yaḵon ḵan diḵayu, igammuyu te awad ḵan diḵayu ya iinggaw ḵan diḵayu.

John 14:26

Yaḵon sa bumadange ibuun Amaḵ, siya Ispiritu Santu we angiyugud ḵan saḵon. Ituttuduna ḵan diḵayu da losan ya paiḵagasmoḵna ḵan diḵayu da losane imbagaḵ.

John 15:26

Ḵanan Jesus atta disipuluna, “Ibuunḵu Ispiritu Santu we siya Bumadang ḵan diḵayu we maḻpu ḵan Apudyus we Ama. Sa Ispiritu Santu angituttudu'tte ḵatuttuwaan ya taḵdoḻana mipanggob ḵan saḵon.

John 5:44

Ngai inonyu we amati nu siya pionyu an-asidayaw ḵayu ḵad adiyupun sington dayawe maḻpu si ossaane Apudyus?

John 8:43

Ngaipayu adi maawatan da ibagaḵ? Siya gay te ippun anusyu we andongoḻ.

Acts 16:14

Osa'tta nandongoḻ ḵan diḵani'ḵ Lydia we iThyatira we allaḵlaḵu'tta nanginginae sinnun ya andaydayaw ḵan Apudyus. Nandodongngoḻ ḵad, sinilawan Apu somsomoḵna woḵ namati.

Acts 17:18

Inninggaw os da udume mimistulun da Epicurean ya da Stoic we naḵasossongbat ḵan siya. Ḵanan da udum, “Ngai ibagabagan ni annate aginlalaing?” Ḵanan os da udum, “Siya nin iwaḻagawagna sabali ye apudyus.” Imbagada ḵaḵna te iwwaḻagawag Paul mipanggob ḵan Jesus ya sa ummuliyana.

Acts 17:32

Dingngoḻda ḵad imbagan Paul mipanggob atte umuliyan da natoy, inang-angyag da udum yaḵon da udum ḵananda, “Pionni ye dongngon ḵasin mipanggob si sana.”

Acts 18:15

Yaḵon gapu ta siya puun ni liliyu da mipanggob atta pion da ugud ḵanan ya da ngadan da tagu ya da lintoge unudonyu, ḵigadyu pagay! Adiḵpun pione saḵon anguwis atta sanate banag.”

Acts 25:19

Sa nansosongbatanda mipanggob ay lawa si pammatin da Judyu ya sa mipanggob si tagu we nangngadan aḵ Jesus we natoy yaḵon ḵanan Paul we ummuli.

1 Corinthians 1:18

Te sa damag mipanggob si natoyan Kristu atte kros, dinodong-og atta tagu we naḵoddongan aḵ madusa. Yaḵon ḵan ditaḵu we taguwon Apudyus, siya ḵabooḻan Apudyus we anagu ḵan ditaḵu.

1 Corinthians 1:21

Gapu si ḵinalaing Apudyus, adimpun ni tagu we adipun amati lamog igammuwon aḵ Apudyus mipagapu'tte laingnae mismu. Te sa pinion Apudyus taguwona da tagu we amati si ugudnae ngannonda dinodong-og, sadi Ambaḻu we Damag we iwwaḻagawagni ḵan diḵayu.

1 Corinthians 1:23

Yaḵon siya iwwaḻagawagni mipanggob atte natoyan Kristu atte kros ḵad siya nisubuḵan da Judyu ya dinodong-og atta Gentil.

1 Corinthians 1:25

Te sa ḵanandae dinodong-og Apudyus nangatu'ḵ adayu nu sa ḵinalaing da tagu ḵad sa ḵanandae ḵinaḵuyan Apudyus naḵosḵosdoḻ aḵ adayu nu sa ḵosdoḻda.

1 Corinthians 15:44

Sa long-age milibon, sanat nainlubungane long-ag. Yaḵon nu taguwon Apudyus ḵasin, sanat naispirituwane long-ag. Te nu awad nainlubungan aḵ long-ag, awad os naispirituwane long-ag.

1 Corinthians 15:46

Daḵampun atte naispirituwane long-ag ummuna yaḵon sa long-age nainlubungan ḵad asiyot naispirituwan.

1 Corinthians 2:12

Sinsadi ditaḵu we namati, daḵampun aḵ sa ispiritun da tagu we adipun namati inawat taḵu yaḵon sa Ispiritu we naḻpu ḵan Apudyus ta maawatan taḵu mipanggob atta losane innatod Apudyus ḵan ditaḵu gapu si ḵinabaḻuna.

1 Corinthians 3:1

Yaḵon susunudḵu ḵan Kristu, adiyaḵpun antuttudu ḵan diḵayu we isun da naangsan pammatidae iturayan ni Ispiritu Santu yaḵon antuttuduwaḵ atta tagu'tte lubunge isun da utting atte pammati ḵan Kristu.

James 3:15

Sa annae ḵinalaing, daḵampun aḵ naḻpu'd langit. Yaḵon nainlubungan, dinidimunyu ya daḵampun aḵ naispirituwan.

1 John 2:20

Yaḵon awad ḵan diḵayu Ispiritu Santu we innatod Kristu, siya gapunae igammuyu losan ḵatuttuwaan.

1 John 2:27

Yaḵon sa Ispiritu Santu we inawatyu, siya iinggaw ḵan diḵayu, pun daḵampun aḵ ḵasapuḻane awad angituttudu ḵan diḵayu mipanggob si ḵatuttuwaan. Yaḵon sa Ispiritu Santu angituttudu ḵan diḵayu'tta losane ḵatuttuwaan ya ippun tuli'ḵ ituttuduna. Pun unudonyu da intuttuduna ḵan diḵayu ta iinggaw ḵayu ḵan Kristu.

1 John 5:20

Ḵumaḵlu, igammu taḵu we ummali Abeng Apudyus woḵ innatodna ḵan ditaḵu pannakaawat ta igammuwon taḵu tuttuwae Apudyus. Ḵad sinsadi iinggaw taḵu si tuttuwae Apudyus te iinggaw taḵu si Abengna we aḵ Jesu Kristu. Siya tuttuwae Apudyus ya siya maḻpuwan ni biyag aḵ inggana.

Jude 1:19

Dida da gapun ni magoggogwaanyu, siya ḵoonda da gagangaye pipion ni long-agda te naippun ḵan dida Ispiritu Santu.