1 Corinthians 2:12 - Sa Ugud Apudyus

¹² Sinsadi ditaḵu we namati, daḵampun aḵ sa ispiritun da tagu we adipun namati inawat taḵu yaḵon sa Ispiritu we naḻpu ḵan Apudyus ta maawatan taḵu mipanggob atta losane innatod Apudyus ḵan ditaḵu gapu si ḵinabaḻuna.

1 Corinthians 2:12 ပူးပေါင်းရင်းမြစ်များ

Romans 8:1

Pun sinsadi ḵan ditaḵu losane nidoga ḵan Jesu Kristu, aditaḵupun maḵoddongan aḵ madusa.

Romans 8:32

Gapu ta adipun aḵ Apudyus nagagae nangidatun si os-ossaane abengna para ḵan ditaḵu losan, adinapun ḵamman os itton da losane ḵasapuḻan taḵu gapu si ḵinabaḻuna?

1 Corinthians 1:27

Yaḵon pinilin Apudyus da ḵanan da tagu we nadong-og ta pabainanda da ḵanandae nalaing ḵad pinilina da anḵuya ta pabainanda da ḵanandae anḵosdoḻ.

1 Corinthians 2:6

Yaḵon awad de ḵinalainge ituttuduni'tta naangsan si pammati, daḵampun aḵ naḻpu'tte ḵinalaing da tagu si sanae timpu ya ḵinalaing da pangat si sanae timpu we amungtu ḵabooḻanda.

1 Corinthians 3:22

Imbuunna saḵon ya da Apollos ḵan Peter we anserbi ḵan diḵayu. Ḵad innatodna ḵan diḵayu da losane awad si annae lubung, da mabiyaganyu, matoyanyu, taḵon ay sinsadi ya sa umali ye aḻgaw ḵuwayu dida.

2 Corinthians 4:4

Adidapun amati te aḵ Satan we apudyus da tagu si annae lubung si sanae timpu, tatallingdana da somsomoḵda ta adida ilan silawe maḻpu'tte Ambaḻu we Damag mipanggob si ḵinangatun Kristu we ḵais-isun Apudyus.

Ephesians 2:2

Te siya inunudyu da antatagun da tagu we adipun amati ya tinuttuwayu gapu si namatiyanyu'tte pangat da ispiritu we adipun mailae siya angidaḻan atta tagu we adipun amati.

James 4:5

Adiyu oḵyan ḵanane ippun patog ni nigili ye Ugud Apudyus we ḵanana: Angimun aḵ Apudyus ḵad adinapun pione awad ḵapuḻpuḻos ni Ispiritu we imbuunnae iinggaw ḵan ditaḵu.

1 John 2:20

Yaḵon awad ḵan diḵayu Ispiritu Santu we innatod Kristu, siya gapunae igammuyu losan ḵatuttuwaan.

1 John 2:27

Yaḵon sa Ispiritu Santu we inawatyu, siya iinggaw ḵan diḵayu, pun daḵampun aḵ ḵasapuḻane awad angituttudu ḵan diḵayu mipanggob si ḵatuttuwaan. Yaḵon sa Ispiritu Santu angituttudu ḵan diḵayu'tta losane ḵatuttuwaan ya ippun tuli'ḵ ituttuduna. Pun unudonyu da intuttuduna ḵan diḵayu ta iinggaw ḵayu ḵan Kristu.

Revelation 12:9

Ḵad niballu'd luta daḵoḻe dragone nidoga da anghelna. Aḵ Satan sanae nampailae uḻog si awe. Siya nangallelaw atta tagu si intero we lubung.

Revelation 22:6

Pun ḵanan ni anghel ḵan saḵon, “Tuttuwa ya mataḻgodan da losane inugudḵu ḵan diḵayu. Te aḵ Apu we Apudyus angidaḻan atte somsomoḵ da profetana. Siya bos nangibuun atte anghelna ta mipaigammu ḵan diḵayu we anserbi ḵan siya da ḵasapuḻane madam-an maḵwa.”