1 Corinthians 16:6 - Sa Ugud Apudyus

⁶ Ḵad manunnuwanaḵ nine inggaw ḵan diḵayu inggana'ḵ magangput ageled ta ambaḻu nu diḵayu bumadang atta losane ḵasapuḻaḵe umoy atta dinumane ayaḵ.

1 Corinthians 16:6 ပူးပေါင်းရင်းမြစ်များ

Acts 15:3

Pun pinaḻung-ud da namati ye magimugimung dida woḵ sa nangoyanda'tta probinsiya'd Phoenicia ya ad Samaria, imbagada'tta namati ye magimugimung sidi inon da Gentil we namati ḵan Jesus. Pun amod de layad da losane susunud ḵan Kristu sidi.

Acts 17:15

Da laḻaḵi ye nangituḻud ḵan Paul nampatinggada'd Athens. Pun binilin Paul we mipaulida'd Berea ya ibagada ḵan da Silas ḵan Timothy ta ḵamaḵamanda umoy ḵan siya.

Acts 20:38

ya ambabauyda si imbaganae adidapun ogon an-asiila. Pun ummoyda intuḻud inggana si igaw ni bapur.

Acts 21:5

Yaḵon naḻaḵpus ḵad aḻgawe inninggawanni sidi, nallibbat ḵani ta pagatupanni baatni. Pun losan da ḵabaḻyan da namati intuḻud diḵani inggana'ḵ niduum ḵani si lasin ni siyudad. Pun losan ḵani nanalluḵu'tte taḻantag woḵ nalluwaḻu ḵani.

Acts 27:12

Da ḵaaduwan ḵad os atta buḻunni ye nallugan, piondae pagatupanni te sa sadi ye lugar lawweng aḵ inggawan ni bapur si timpun ni ageled. Pun ḵananda, “Padason taḵu pagay iduum ad Phoenix we ili'd Crete ta sidi inggawan taḵu si timpun ni ageled.” Ḵad ambaḻu we dadaḵḵaḻan te daḵampun aḵ nansagung si maḻpuwan ni bibbid.

Acts 28:11

Naḻaḵpus ḵad tuḻun buḻane inninggawanni'd Malta, nambapur ḵani si bapur we naḻpu'd Alexandria we inninggaw sidi si timpun ni ageled. Sa maḻḵana ḵad si sangu, ḵapile apudyus.

Romans 15:24

namnamaoḵe ilaḵ diḵayu nu ansadangaḵe umoy ad Spain ta ampabadangaḵ ḵan diḵayu we umoy sidi nu maabus sin-aḵitane maḵabuḻbuḻunaḵ ḵan diḵayu.

1 Corinthians 16:11

Ḵad ilanyu bos ta adiyu potogon yaḵon paḻung-udonyu we allin-awa somsomoḵna ta allaylayade angulin ḵan saḵon. Annan uwayoḵe umali ya da susunud taḵu ḵan Kristu.

Titus 3:12

Pun ibuunḵu ḵan siḵa'ḵ Artemas baḵon nu aḵ Tychicus. Ḵad nu dumatong, padasom umali ḵan saḵon ad Nicopolis. Te simsimmoḵḵu we inggawaḵ sidi ta paḻaḵpusoḵ yan ageled.