1 Corinthians 16:2 - Sa Ugud Apudyus

² Sa umunae aḻgaw atte dinuminggu, awad oḵyan osa ḵan diḵayu angiwalin aḵ gatad insigun nu piga illabbuna. Ḵad gappotonyu ta umaliyaḵ ḵad naḵasagana.

1 Corinthians 16:2 ပူးပေါင်းရင်းမြစ်များ

Mark 14:8

Ḵingwana ḵaḻabbongana. Inisigna bangbanglu si long-agḵu ta misagana'tte milibonaḵ.

Luke 16:10

Ḵanan Jesus we namagatup, “Sa mataḻgodane angdon atte aḵit, mataḻgodan atte ad-adu, ḵad sa adipun mataḻgodane angdon atte aḵit, adipun os mataḻgodan atte ad-adu.

Luke 24:1

Mabigat ḵad atte naḻaḵpus umillongane imbelangda'ḵ umunae aḻgaw ni sindumingguwan, nasapa ummoy da bubai atte libon Jesus, nangawitda si bangbanglu we insaganada.

John 20:19

Ḵugḵugab ḵad si sadi ye aḻgawe sa umunae aḻgaw ni sindumingguwan, nidaḵig inggawan da disipulu te maḵimutda'tta Judyu. Nampaila'ḵ Jesus woḵ naḵataḵdog ḵan dida woḵ ḵanana, “Lin-awa oḵyan awad ḵan diḵayu.”

John 20:26

Naḻaḵpus ḵad sindumingguwan, inninggaw os da disipulu'tte boḻoy woḵ inninggaw aḵ Thomas ḵan dida. Nidaḵig onob yaḵon nampaila'ḵ Jesus woḵ naḵataḵdog ḵan dida woḵ ḵanana, “Lin-awa awad ḵan diḵayu.”

Acts 20:7

Sa mabigat ḵade nagangputan ni umillongane imbelangdae umunae aḻgaw ni sindumingguwan, nandatdatong ḵani ye namati'd Troas ta ḵanonni tinapaye angiḵagasmoḵanni si natoyan Jesus. Nantuttudu'ḵ Paul atta tagu inggana'ḵ gawallabi te ḵananapun nu umoyon si mabigat.

2 Corinthians 8:10

Ḵad annaya ibagaḵ ḵan diḵayu si mipanggob atte ibadangyu, ambaḻu nu igangputyu illusyu insaḻad atte ḵesane tawon te diḵayu ummunae nanomsomoḵ ḵan nangisaḻade angitod aḵ badang.

Revelation 1:10

Yaḵon sa aḻgawe andaydayawan ḵan Apu, isun di impain-inop ni Ispiritu Santu ḵan saḵon woḵ dingngoḻḵu andangsoḻe ginga si odogaḵe isunan bungug di tangguyub.