1 Corinthians 16:14 - Sa Ugud Apudyus

¹⁴ Da losane ḵoonyu, ḵoonyu oḵyane gapu'tte ayatyu.

1 Corinthians 16:14 ပူးပေါင်းရင်းမြစ်များ

John 15:17

Pun sa bilinḵu ḵan diḵayu, an-asiayat ḵayu.”

Romans 14:15

Nu sa anganan taḵu gapun ni lumawengan ni somsomoḵ ni sunud taḵu ḵan Kristu, daḵampun aḵ ayat impaila taḵu ḵan siya. Sa anganan taḵu adi taḵu iyunude dadailona pammatin ni sunud taḵu te siya inḵatoy Kristu.

1 Corinthians 12:31

Pun siya oḵyan amaamayonyu da ampapatoge ḵabooḻane itton ni Ispiritu Santu. Ḵad ipaigammuḵ ḵan diḵayu amo napatpatog ḵan nabaḻbaḻu we daḻan.

1 Corinthians 14:1

Ipapatiyu we an-asiayat. Ḵad ipapatiyu oḵyan sington da ampapatoge ḵabooḻane itton ni Ispiritu Santu, amod ay ḵabooḻane angipaigammu'tte pinion Apudyus.

1 Corinthians 16:15

Susunudḵu ḵan Kristu, igammuyu mipanggob ḵan da Stephanas we simbaḻyan. Dida da ummunae namati ḵan Apudyus ad Achaia. Impapatidae nanserbi'tta losane tagun Apudyus.

1 Corinthians 8:1

Annaya bos ibagaḵ ḵan diḵayu si mipanggob atte anganan atte maḵane midatun atta sinan-apudyus. Tuttuwa anna ya igammu taḵu losan. Yaḵon umman taḵu te allasu we sumoḵaḻ taḵu gapu'tte anna igammu taḵu. Yaḵon nu an-asiayat taḵu, sanat pumigsaan da pammati taḵu.

Galatians 5:22

Yaḵon sa ugali ye itton ni Ispiritu Santu ḵan ditaḵu ta ambalbaliw taḵu, dida da anna: ayat, layad, lin-awan ni somsomoḵ, anus, bumabbadang, ambaḻu ḵoona'tta asintataguna, mataḻgodan,

1 Thessalonians 3:12

Dog-an oḵyan Apu ayatyu ta lumay-as atta buḻunyu ya losane tagu we isun ni ayatni ye lummay-as ḵan diḵayu.

1 Thessalonians 3:6

Yaḵon sinsadi, nipauli'ḵ Timothy ye imbagana ambaḻu we damag mipanggob si ḵinapigsan da pammati ḵan ayatyu. Imbagana bose diḵani pasigyu ayuayuwane isun ni ayuni ḵan diḵayu.

2 Thessalonians 1:3

Susunudḵu ḵan Kristu, ḵasapuḻane patilayun ḵani anggappiya ḵan Apudyus gapu ḵan diḵayu, ḵad mibagay nu ḵoonni ḵaḵna te pumigsapigsa da pammatiyu ḵad amo madog-adog-an ayat ni sin-ossaossa ḵan diḵayu we an-asiayat.

1 Timothy 1:5

Yaḵon sa panggob ni sanae bilin, an-asiayat ḵayu we maḻpu si ampoḻḵas ya ambaḻu we somsomoḵ ya sa gattoḵe pammati.

Hebrews 13:4

Ḵasapuḻane patgan taḵu nan-as-asaw-an taḵu ya ippun oḵyan ḵadellawan taḵu ya pagatupan taḵu we antaḻgod atta asawa taḵu we naippun maḵadagdagas. Te dusaon Apudyus da maḵadagdagas ya da adaḻugonda da daḵampun aḵ asawada.

1 Peter 4:8

Sa ḵapatogane ḵoonyu, papigsaonyu an-asiayatanyu te nu an-asiayat ḵayu, adiyupun sosomḵon da amode basuḻ da buḻunyu yaḵon an-asianus ḵayu ya an-asipakawan ḵayu.

2 Peter 1:7

Losan atta sanat, sa naapudyusane antatagu dog-anyu ayat atta susunudyu we namati ya sa ayat os atta ngaimane tagu.