1 Corinthians 16:1 - Sa Ugud Apudyus

¹ Nu sa mipanggob atte daguponyu we mibadang atta tagun Apudyus ad Jerusalem, siya ḵoonyu isun ni imbilinḵu'tta gimung da namati'tta ḵinailin di ili'tte probinsiya'd Galatia.

1 Corinthians 16:1 ပူးပေါင်းရင်းမြစ်များ

Acts 11:28

Osa ḵan dida nangngadan aḵ Agabus we summiḵad woḵ impadtuna imbagan ni Ispiritu Santu ḵan siyae dumatong ummamdane inggi'tta adu we ili si lubung. Pun nituttuwa'tte timpu we nampangatan Emperor Claudius.

Acts 11:30

Ḵingwada ḵad, indagasda ḵan da Barnabas ḵan Saul ta ittonda'tta angipangpangu'tta namati'd Jerusalem.

Acts 16:6

Pun ummoy da Paul atte probinsiya'd Phrygia ya sa probinsiya'd Galatia te adimpun ni Ispiritu Santu iyyunud didae umoy angiwaḻagawag atte Ugud Apudyus si probinsiya'd Asia.

Acts 18:23

Inninggaw ḵad sidi si pigan aḻgaw, ummoy nanggaḵay atta losane ḵinailin di ili'tte probinsiya'd Galatia ya sa probinsiya'd Phrygia ta umoyna papigsaon pammatin da namati.

Acts 24:17

“Naḻaḵpus ḵad pigan tawone naippunaḵ ad Jerusalem, nipauliyaḵ os sidi ta ittoḵ pilaḵe badang atta ḵailiyaḵe Judyu we anḵasapuḻ ya nandatunaḵ os ḵan Apudyus atte templo.

Acts 9:13

Yaḵon summongbat aḵ Ananias woḵ ḵanana, “Apu, adu da nangngoḻaḵ si mipanggob atte annae tagu ya adu da ḵingwana'tta tagum ad Jerusalem.

Acts 9:41

Innonnan Peter imana woḵ pinataḵdogna. Pun inayagana da sadi ye baḻu ya da udume tagun Apudyus woḵ impailana ḵan dida'ḵ Dorcas we natagu.

Romans 12:13

Ḵad badanganyu da tagun Apudyus we anḵasapuḻ ya mangiliyonyu dida.

1 Corinthians 11:34

Ḵad nu awad nauḻat, umuna oḵyane angan atte boḻoyna ta magimung ḵayu ḵad adin diḵayu ḵan Apudyus ḵuwison. Ḵad sa mipanggob atta udume ibilinḵu ḵan diḵayu, asiḵ ibaga nu umaliyaḵ sinat.

1 Corinthians 16:15

Susunudḵu ḵan Kristu, igammuyu mipanggob ḵan da Stephanas we simbaḻyan. Dida da ummunae namati ḵan Apudyus ad Achaia. Impapatidae nanserbi'tta losane tagun Apudyus.

1 Corinthians 4:17

Sadi gapunae imbuunku'ḵ Timothy sinat, we ibelangku'ḵ abengḵu we ay-ayatoḵ ḵan mataḻgodane abeng ḵan Apu taḵu. Umali ta ipaspasmoḵna ḵan diḵayu inoḵe nangunud atte ugalin Kristu we intuttuduḵ atta losane namati ye magimugimung atta ḵinailin di ili.

Galatians 1:2

Annaya suḻatḵu ḵan diḵayu'tta gimung da namati'tta ili'd Galatia. Da losane susunudḵu ḵan Kristu sinae namati, pakumustaonda bos diḵayu.

Galatians 2:10

Abus aḵ ḵindawda ḵan diḵani pagatupanni ye bumadang atta ḵamḵamae Judyu we siya pasigḵu isisimoḵ ḵoon.

Philemon 1:5

te dingngoḻḵu mipanggob si pammatim ḵan Apu Jesus ya sa ayatnu'tta losane tagun Apudyus.

Philemon 1:7

Sunudḵu ḵan Kristu, pinaḻayadaḵ ḵan sinoḻgagaḵ gapu si ayatnu. Siya bos nansosoḻgagnu'tta somsomoḵ da losane tagun Apudyus sinat.

Hebrews 6:10

Naun-unan aḵ Apudyus, adinapun maliwatan da ambaḻu we ḵingwayu ya sa ayatyu ḵan siyae impailayu si bummadanganyu'tta buḻunyu we tagun Apudyus ya sissiyae badanganyu dida.

1 John 3:17

Pun nu awad osa'ḵ anna ḵuḵuwana, silupna, mabalinna ya innilana asintatagunae angkurang atta ḵasapuḻana yaḵon adinapun ḵinadaguwan, ngai inonae angibagae ay-ayatona'ḵ Apudyus?