1 Corinthians 15:56 - Sa Ugud Apudyus

⁵⁶ Te sa angaḻ-an ni ḵatoy si ḵabooḻana, sa bumasubasuḻan taḵu ya sa angaḻ-an ni basuḻ atte ḵabooḻana, sa aditaḵupun anuttuwaan si lintoge innatod Apudyus ḵan Moses.

1 Corinthians 15:56 ပူးပေါင်းရင်းမြစ်များ

John 8:21

Ḵanan os Jesus ḵasin, “Iyyaḵon ya asiyu sington saḵon. Yaḵon adiḵayupun maḵaali si ayaḵ te matoy ḵayu we adipun napakawan da basuḻyu.”

John 8:24

Ḵanaḵe nangibaga ḵan diḵayu, ‘Matoy ḵayu we adipun napakawan da basuḻyu nu adi ḵayu amati ye saḵone mismu sadi ye imbagaḵ.’ ”

Romans 4:15

Te sa lintog ambanag si sumang-an Apudyus ḵan ditaḵu te aditaḵupun lamog tuttuwaon. Yaḵon nu naippun lintog naippun malisalis.

Romans 5:15

Yaḵon nantoḵon da annae duwa te sa libli ye atod Apudyus daḵampun aḵ isun ni basuḻ ni ossaane tagu we aḵ Adam. Yaḵon amo dallu ḵinabaḻun Apudyus, ḵaḵnat os libli ye atodna'tta adu we tagu mipagapu'tte ḵinabaḻun ni osae tagu we aḵ Jesu Kristu.

Romans 5:17

Tuttuwae gapu'tte basuḻ ni ossaane tagu, ḵasapuḻane matoy da losane tagu. Yaḵon amo daldallu nambanagan ni ḵingwan Jesu Kristu. Te da losane umawat atte ummamdane ḵinabaḻun Apudyus ya sa libli ye atodna, siya angwa ḵan dida'ḵ maun-unan ḵad awatonda biyag aḵ inggana ya midogada ḵan Kristu we ampangat aḵ inggana.

Romans 5:20

Innatod Apudyus lintog ta angigammuwandae amo ummaduadu basuḻ da tagu. Yaḵon taḵon ay nu ummaduadu basuḻ da tagu, amo ummamdan ḵinabaḻun Apudyus.

Romans 6:23

Te sa bayad ni basuḻ siya ḵatoy. Yaḵon sa libli ye atod Apudyus siya biyag aḵ inggana mipagapu si niyossaanan taḵu ḵan Jesu Kristu we Apu taḵu.

Hebrews 9:27

Niḵoddonge amingsan tagu matoy, magangput ḵad, maḵuwis ḵan Apudyus.