1 Corinthians 15:54 - Sa Ugud Apudyus

⁵⁴ Nu ḵatti ye maḵwae mapasantan long-ag taḵu we maḻpos atte long-age adipun maḻpos, sa long-ag taḵu we matoy mapasantan atte annanayune adipun matoy. Ḵad sadi mituttuwaan ni nigili ye Ugud Apudyus we ḵanana, “Naippun ogon ḵabooḻan ni ḵatoy te naabaḵ.”

1 Corinthians 15:54 ပူးပေါင်းရင်းမြစ်များ

Luke 20:36

Te adidapun ogon matoye isun da anghel we adidapun ogon matoy ya dida da abeng Apudyus te ummulida.

Romans 1:23

Te adidapun nandayaw si matattagu we Apudyus. Yaḵon siya dinaydayawda da ḵingwan di tagu we sinan-apudyus, sinantatagu, sinansissiwit, sinan-ayam ya da ḵais-isun da ḵumayam.

Romans 2:7

Da tagu we angipapati angwa'tta ambaḻu ta madayawanda, mapatganda ya mataguda'd langit aḵ inggainggana ya dida angittan Apudyus si biyag aḵ inggana.

Romans 6:12

Pun adi taḵu iyunude sa basuḻ angituray ḵan ditaḵu ta adi taḵu ḵoon da pion da long-ag taḵu.

Romans 8:11

Sa osa bos, aḵ Apudyus we nanagu ḵasin ḵan Jesu Kristu nu awad ḵan diḵayu Ispirituna, taguwona bos da long-agyu we matoy mipagapu si Ispiritunae iinggaw ḵan diḵayu.

2 Corinthians 4:11

Tuttuwae sa inggan ni matattaguwanni, pasigni tataggaḻon ḵatoy gapu ḵan Jesus ta sa antatagun Jesus mipaila si annae long-agni ye matoy.

2 Corinthians 5:4

Sa matattaguwan taḵu'd luta, umay-ayuwong taḵu gapu'tte ampaḵaḻaman taḵu. Daḵampun aḵ gapu ta pion taḵu tenan gagangaye long-ag taḵu we matoy yaḵon pion taḵu we mipasani baru we long-ag ta sa long-age matoy mapasantan si long-age matagu'ḵ inggana.

2 Thessalonians 1:10

Sa aḻgaw ḵad ose umaliyanae sa madayawana'tta taguna, mataagda losane namati'tte ḵinaapudyusna. Ḵad mibelang ḵayu bos ḵan dida te pinatiyu Ugud Apudyus we tinaḵdoḻanni ḵan diḵayu.

Revelation 20:14

Naabus ḵad, sa ḵatoy ya sa gagangaye igaw da natoy ad Hades, niballuda'tte igaw ni gumilgillayabe apuy ḵan sulfur. Sana ḵumagwae ḵatoy.

Revelation 21:4

Punasana da losane luwada ḵad adidapun ogon matoy. Naippun ogon andomdom ya umibil ya naippun ogon ampaḵaḻam te da sanae inggaw si awe, naiddapun ogone sana.”