1 Corinthians 15:43 - Sa Ugud Apudyus

⁴³ Ḵad sa long-ag taḵu we milibon, lawweng ḵatollongana ḵan naippun ḵabooḻana. Yaḵon sa long-age taguwon Apudyus ḵasin, nabaḻbaḻu ya anna ḵabooḻana.

1 Corinthians 15:43 ပူးပေါင်းရင်းမြစ်များ

Matthew 13:43

Yaḵon da naun-unane tagun Apudyus, allangḻangdae isun di init si ampangatan Amada. Diḵayu we andodongngoḻ, sosomḵonyu da dingngoḻyu.”

John 8:49

Ḵanan Jesus, “Adiyaḵpun naaḻanan. Sa ḵatuttuwaan, dayawoḵ aḵ Amaḵ yaḵon adiyupun saḵon pinatgan.

1 Corinthians 6:14

Awad os ḵausaran ni long-ag taḵu si umali ye aḻgaw te aḵ Apudyus taguwona ditaḵu gapu'tte ḵabooḻanae isun ni nanaguwana ḵan Apu.

2 Corinthians 13:14

Awad oḵyan ḵan diḵayu losan ḵinabaḻu we maḻpu ḵan Apu Jesu Kristu ya sa ayat Apudyus ya sa niyossaanan ni Ispiritu Santu.

2 Corinthians 13:4

Te taḵon ay nu awad osa'ḵ ḵananae anḵuya'ḵ Kristu atte natoyana'tte kros, matattagu gapu'tte ḵabooḻan Apudyus. Pun isuna bos ḵan diḵani ye isunin anḵuya gapu si niyossaananni ḵan Kristu yaḵon nu mipanggob si ḵoonni ḵan diḵayu, ipailani ḵabooḻanae naḻpu ḵan Apudyus gapu si maḵabuḻbuḻunanni ḵan Kristu atte matattaguwana.

Philippians 3:10

Pioḵ da sana ta igammuwoḵ aḵ Kristu we ustu ya sa ḵabooḻan ni ummuliyana. Ḵad daḵampun aḵ abus sadi, padasoḵ oḵyan ose ampaḵaḻam ya miyisuwaḵ ḵan siya si natoyana

Colossians 3:4

Aḵ Kristu siya mataguwanyu ḵad nu ampaila, midoga ḵayu bos ḵan siya si madayawana ḵan ḵinangatuna.