1 Corinthians 15:3 - Sa Ugud Apudyus

³ Sa intuttuduḵ ḵan diḵayu, sadi amo ummunae ḵapatogane inigammuḵe natoy aḵ Kristu gapu'tta basuḻ taḵu we mibatay atte nigili ye Ugud Apudyus.

1 Corinthians 15:3 ပူးပေါင်းရင်းမြစ်များ

Matthew 26:24

Saḵone Abeng Di Tagu, ḵasapuḻane matoyaḵ te siya impaigilin Apudyus atte awe. Yaḵon ḵaddagu tagu we angituyuḵ ḵan saḵon. Unnoyna gay adi niyanaḵ.”

Matthew 26:28

te sana daḻaḵe amanoḵnoḵ atte Baru we Tuḻag Apudyus atta tagu. Mibuḵbuḵ nu matoyaḵ ta adu da tagu we mapakawan da basuḻda.

Luke 24:25

Pun ḵanan Jesus ḵan dida, “Anḵadong-og ḵayu! Ngaipa anḵamnut amatiyanyu'tta losane imbagan da profetan Apudyus?

John 1:29

Mabigat ḵad, innilan John aḵ Jesus we annate umali woḵ ḵanana, “Ilanyu! Annaya Karneron Apudyus we innatodna'ḵ midatun ta angaan atta basuḻ da tagu'tte lubung.

Acts 17:2

Sa ugalin Paul dam-on umoy si sinagoga. Sa tuḻun aḻgawe umillongan da Judyu naḵasossongbat atta tagu sidi mipanggob atte Ugud Apudyus.

Acts 3:18

Yaḵon sa natoyan Jesus, sadi nituttuwaan ni impaigammun Apudyus mipagapu'tta losane profetanae ḵasapuḻane ampaḵaḻam ya matoy aḵ Kristu we ibuunna.

Acts 8:32

Sa sadi ye binasabasana, ḵanana, “Giginnoḵe isunan karnero we gumiginnoḵ si iyoyda'tte lugar we papartiyan ya isuna bos ubbun ni karnero we giginnoḵ nu puḵisanda.

Romans 3:25

Indatun Apudyus aḵ Jesu Kristu aḵ matoy ta pumoy-as daḻana'ḵ mapakawanan da basuḻ da amati. Ḵingwana ḵaḵna'ḵ angipail-ana si ummun-unana te sa awe si daan Jesus umaliyan, inan-anusana da tagu we adinapun daguse dinusa dida'tta basuḻda.

Romans 4:25

Impuḻang Apudyus aḵ matoy aḵ Jesus ta bayad da basuḻ taḵu ya tinaguna ta ibelang Apudyus ditaḵu'ḵ naun-unan.

1 Corinthians 11:2

Idayawḵu diḵayu te pasigyu saḵon isisimoḵ atta losane ḵoonyu ḵad pagatupanyu unudon da tuttudu we intuttuduḵ ḵan diḵayu.

1 Corinthians 11:23

Te inawatḵu ḵan Apu Jesus da losane intuttuduḵ ḵan diḵayu. Nanganda ḵad si labi ye nituyuḵana, innaḻana tinapay

2 Corinthians 5:21

Aḵ Kristu, ippun paat basuḻna. Yaḵon gapu ḵan ditaḵu, imbelang Apudyus aḵ ḵabasbassuḻan ta mipagapu si niyossaanan taḵu ḵan siya, aḵ Apudyus angwa si maun-unan taḵu.

Galatians 1:12

Te daḵampun aḵ tagu nangigammuwaḵ si annae Ambaḻu we Damag. Naippun os udum aḵ nangituttudu yaḵon aḵ Jesu Kristu we mismu nangipaigammu ḵan saḵon.

Galatians 1:4

we nangitod si long-agna'tte natoyana ta mapakawan da basuḻ taḵu. Ḵingwana sadi ye mibatay si pinion Apudyus we Ama taḵu ta matagu taḵu ḵan mapuḵayan taḵu ta adi taḵu igunay ya adi taḵu ansomsomoḵ atta isun da ḵoḵoḵḵon da tagu si sanae timpu.

Galatians 3:13

Yaḵon sinubut Kristu ditaḵu si madusaan taḵu te aditaḵupun lamog tuttuwaon da losane lintog si natoyana'tte kros para ḵan ditaḵu. Te sa nigili ye Ugud Apudyus ḵanana, “Ngaimane madusa ta matoy gapu si mitayunana'tte ḵayu, nadusa ḵan Apudyus.”

Ephesians 1:7

Te gapu si pummoy-asan ni daḻan Jesu Kristu si natoyana, nasubut taḵu we piona ḵanan napakawan da basuḻ taḵu. Sana nail-an ni ummamdane ḵinabaḻun Apudyus

Ephesians 5:2

ta miyisu oḵyan an-aayatyu si nan-aayat Kristu ḵan ditaḵu. Te innatodna long-agna'ḵ matoy para ḵan ditaḵu ya sa natoyana, isunan ambangu we datun ḵan Apudyus we mas-omana.

Hebrews 5:1

Te sa ḵangatuwane padi napili'tta asintataguna, ḵad siya nadutuḵan aḵ anserbi ḵan Apudyus gapu ḵan dida. Siya angidatun atta losane nansabasabali ye midatun ya da ayame midatun ḵan Apudyus gapu'tta basuḻda.

Hebrews 5:3

Gapu'tte ḵinaḵuyana, ḵasapuḻane andatun ḵan Apudyus ḵad daḵampun aḵ abus basuḻ da tagu nu adi gapu bos atte basuḻnae mismu.

1 Peter 1:11

Inniggada ḵabooḻandae an-imus nu ḵamaan ni maḵwaana ya ngai inonae mituttuwa, impaigammun ni Ispiritun Kristu ḵan dida mipanggob atte ampaḵaḻamana ya madayawana'tte ampangatana.

1 Peter 2:24

Aḵ Kristu we mismu nangiḵaḻu'tta basuḻ taḵu si natoyana'tte kros ta sadi mapuḵayan taḵu'tte ḵabooḻan ni basuḻ ya unudon taḵu naun-unane antatagu. Gapu'tta sugatna, naḵaan da saḵit taḵu.

1 Peter 3:18

Te aḵ Kristu, namingpingsane nampaḵaḻam ya natoy gapu'tta basuḻ taḵu. Sa naun-unan, natoy para ḵan ditaḵu we adipun naun-unan ta iyadanina ditaḵu ḵan Apudyus. Gingngatda nainlubungane long-agna yaḵon ummuli ḵad, daguse naispirituwan long-agna.

1 John 2:2

Siya bos nangidatun atte long-agna ta maḵaan sangan Apudyus ya mapakawan da basuḻ taḵu ya daḵampun aḵ abus da basuḻ taḵu yaḵon da basuḻ os da losane tagu'tte annae lubung.

Revelation 1:5

Naḻpu bos ḵan Jesu Kristu we mataḻgodane amanoḵnoḵ atte mipanggob ḵan Apudyus. Siya ummunae natagu ḵasin atta natoy ya siya pangat da losane ari'd luta. Ay-ayatona ditaḵu ḵad pinuḵayana ditaḵu we isun di baḻud ni basuḻ mipagapu'tte daḻanae pummoy-as atte natoyana.