1 Corinthians 15:23 - Sa Ugud Apudyus

²³ Yaḵon nauḻnus da maḵwa: umuna umuli'ḵ Kristu ya nu dumatong aḻgawe mipauliyana, asiyot da losane nanḵaḵatoye namati midoga ḵan siya.

1 Corinthians 15:23 ပူးပေါင်းရင်းမြစ်များ

Matthew 16:27

Te sa Abeng Di Tagu, umali ye buḻunna da anghelna ḵad ipailana bos dayaw Amana. Ḵad gungunaana sin-ossae tagu sigun atta ḵingwada.

Matthew 16:28

Ibagaḵ ḵan diḵayu ḵatuttuwaan, awad da udum ḵan diḵayu sinsadi ye adidapun yan matoy inggana'ḵ ilanda saḵone Abeng Di Tagu we umali ampangat.”

Acts 26:23

Te ḵasapuḻane ampaḵaḻam aḵ Kristu ya siya umuna umuli'tta natoy ta iwaḻagawagna inon Apudyus we Anagu atta Judyu ya da Gentil.”

1 Corinthians 15:20

Yaḵon sa ḵatuttuwaan, tuttuwae ummuli'ḵ Kristu we siya ḵaunaane ummuli'tta losane natoy. Ḵad sadi amanoḵnoḵe losane amati ḵan siya, umulida.

1 Corinthians 15:52

Angganase maḵwa sanae isun di sinḵispayan, nu guminga maudi ye tangguyub Apudyus ya umuli da nanḵaḵatoye namati ya mapasantan da long-agda, adidapun paat matoy. Ḵad ditaḵu we matattagu, mapasantan os da long-ag taḵu'tte baru,

1 Corinthians 3:23

Diḵayu ḵad, ḵuwan Kristu diḵayu ya aḵ Kristu ḵad, ḵuwan Apudyus.

1 Corinthians 6:14

Awad os ḵausaran ni long-ag taḵu si umali ye aḻgaw te aḵ Apudyus taguwona ditaḵu gapu'tte ḵabooḻanae isun ni nanaguwana ḵan Apu.

2 Corinthians 10:7

Itollongyu ḵad da mailan da atayu, ippun ḵamman mailayu'tta naḵwa ḵan diḵayu? Nu ḵanandae dida da ustu we tagun Kristu, siya oḵyan sosomḵonda ḵan maawatanda tagun os Kristu diḵani ye isuni dida.

Galatians 3:29

Ḵad gapu ta niyossaan ḵayu ḵan Kristu, nibelang ḵayu'ḵ ganaḵ Abraham ya maḵatawid ḵayu'tta inkarin Apudyus ḵan siya.

Galatians 5:24

Te da tagun Jesu Kristu, naḵaan ḵan dida antataguda'tte awe ye da pipion da long-agda ya da lawwenge pipionda te isun di nagangputda nipattoḻ atte kros.

Philippians 3:11

te namnamaoḵ pagaye taguwonaḵ ḵasin ḵan Apudyus.

1 Thessalonians 2:19

Pionni pagay umali te antaḻgod ḵani ye ipapatiyu we amati. Ḵad gapu si sadi, maganasan ḵani si mipanggob ḵan diḵayu. Ḵad nu umali ḵasin aḵ Apu taḵu we Jesu Kristu, antaḻgod ḵani ye misangu ḵan siya te diḵayu da ambaḻu we nambanagan ni ḵewaaḻni.

Revelation 1:5

Naḻpu bos ḵan Jesu Kristu we mataḻgodane amanoḵnoḵ atte mipanggob ḵan Apudyus. Siya ummunae natagu ḵasin atta natoy ya siya pangat da losane ari'd luta. Ay-ayatona ditaḵu ḵad pinuḵayana ditaḵu we isun di baḻud ni basuḻ mipagapu'tte daḻanae pummoy-as atte natoyana.