1 Corinthians 15:20 - Sa Ugud Apudyus

²⁰ Yaḵon sa ḵatuttuwaan, tuttuwae ummuli'ḵ Kristu we siya ḵaunaane ummuli'tta losane natoy. Ḵad sadi amanoḵnoḵe losane amati ḵan siya, umulida.

1 Corinthians 15:20 ပူးပေါင်းရင်းမြစ်များ

Acts 2:24

Yaḵon aḵ Apudyus, tinaguna ḵasin ya pinuḵayana'tte ḵatoy te naippun ḵabooḻan ni ḵatoy ḵan siya.

Acts 26:23

Te ḵasapuḻane ampaḵaḻam aḵ Kristu ya siya umuna umuli'tta natoy ta iwaḻagawagna inon Apudyus we Anagu atta Judyu ya da Gentil.”

Romans 8:11

Sa osa bos, aḵ Apudyus we nanagu ḵasin ḵan Jesu Kristu nu awad ḵan diḵayu Ispirituna, taguwona bos da long-agyu we matoy mipagapu si Ispiritunae iinggaw ḵan diḵayu.

1 Corinthians 15:23

Yaḵon nauḻnus da maḵwa: umuna umuli'ḵ Kristu ya nu dumatong aḻgawe mipauliyana, asiyot da losane nanḵaḵatoye namati midoga ḵan siya.

1 Corinthians 15:6

Pun nampaila bos atta lummabos aḵ limanggasute susunud taḵu ḵan Kristu atte namingsan. Sillaḻabi ḵad atte nagangput nampaila ḵan dida, nanḵaḵatoy da udum ḵan dida yaḵon ḵaaduwan ḵan dida da sissiyae matattagu.

Colossians 1:18

Siya isun di uḻu taḵu we namati, ḵad ditaḵu isun di long-agna. Ḵad siya bos maḻpuwan ni mataguwan taḵu te siya panguḻu we Abeng Apudyus we ummuli ta ambalin aḵ ḵangatuwan atta losan.

1 Thessalonians 4:16

Te aḵ Apu Jesus we mismu, dumoḻae maḻpu'd langite iyipḵawna bilin ḵad midisan poḵaw ni ḵangatuwane anghel ya guminga tangguyub Apudyus. Ḵad umuna umuli da natoye namati ḵan Kristu.

1 Peter 1:3

Madaydayaw aḵ Apudyus we sa Apudyus ya Aman Jesu Kristu we Apu taḵu. Gapu si amode ḵadaguna, niyanaḵ taḵu ḵasin te innatodna ḵan ditaḵu baru we biyag mipagapu si ummuliyan Jesu Kristu. Pun awad de namnamaon taḵu we aaddi ye mituttuwa,

Revelation 1:5

Naḻpu bos ḵan Jesu Kristu we mataḻgodane amanoḵnoḵ atte mipanggob ḵan Apudyus. Siya ummunae natagu ḵasin atta natoy ya siya pangat da losane ari'd luta. Ay-ayatona ditaḵu ḵad pinuḵayana ditaḵu we isun di baḻud ni basuḻ mipagapu'tte daḻanae pummoy-as atte natoyana.

Revelation 14:13

Dingngoḻḵu bos gingae naḻpu'd langite ḵanana, “Igilim anna: Inggana sinsadi, pian da tagu we matoye niyossaan ḵan Apu Jesus.” Ḵanan ni Ispiritun Apudyus, “Tuttuwae pianda te maillonganda'tte ansigabe ḵewaaḻda ya magungunaanda gapu'tte ambaḻu we ḵingwada.”