1 Corinthians 15:1 - Sa Ugud Apudyus

¹ Susunudḵu ḵan Kristu, pioḵe ipaspasmoḵ Ambaḻu we Damag we sa iwwaḻagawagḵu ḵan diḵayu, sadi bos inawatyu ḵan lummamutan da pammatiyu.

1 Corinthians 15:1 ပူးပေါင်းရင်းမြစ်များ

John 12:48

Sa angidiyan ḵan saḵon ya adipun anuttuwa'tte ugudḵu awad de anguwis. Sa inugudḵu siya anguwis ḵan siya si anungus ni aḻgaw.

Acts 11:1

Dingngoḻ da apostol ya da susunud ḵan Kristu si intero we probinsiya'd Judea we inawat os da Gentil Ugud Apudyus.

Acts 2:41

Pun da nangawat si ugudna, nampabonyagda. Umoye tuḻullibu belang da nidoga.

Romans 11:20

Tuttuwa sanat. Naspaḵda te adidapun namati yaḵon nipasani ḵayu gapu'tte namatiyanyu. Pun adiyu ipasindayaw yaḵon ummaummanyu.

Romans 2:16

Pun sigun si annae Ambaḻu we Damag we iwwaḻagawagḵu, ḵaḵna maḵwa si aḻgawe anguwisan Apudyus mipagapu ḵan Jesu Kristu atta losane somsomoḵ da tagu ya da ḵingwadae nitataḻu.

Romans 5:2

Gapu si pammati taḵu ḵan siya, nidoga taḵu si ḵinabaḻun Apudyus we laḵlaḵ-amon taḵu sinsana ḵad allaylayad taḵu te namnamaon taḵu we midoga taḵu si ḵinangatun Apudyus.

1 Corinthians 16:13

Dadaḵḵagonyu ya popotpotanyu bos da pammatiyu, tumuḻod ḵayu oḵyan ya pumigsa ḵayu.

1 Corinthians 3:6

Sa mipaniyana, isun di saḵon nangimuḻa si buḵoḻ ya aḵ Apollos nansilug yaḵon aḵ Apudyus namadaḵoḻ.

1 Corinthians 4:15

Te taḵon ay nu adipun mabelang da angayyuwan ḵan diḵayu ḵan Kristu, ossaan amayu. Te saḵon nambalin aḵ amayu gapu si niyossaananyu ḵan Jesu Kristu mipagapu si Ambaḻu we Damag.

2 Corinthians 1:24

Daḵampun aḵ siya panggobni ipangatanni diḵayu mipanggob si pammatiyu. Yaḵon badanganni diḵayu ta amo lumayad ḵayu te ampigsa pammatiyu.

1 Thessalonians 1:6

Ḵad nambalin ḵayu'ḵ angunud ḵan diḵani ya aḵ Apu. Te taḵon ay nu amod de nampaḵaḻamanyu, sillalaylayad ḵayu we nangawat si Ugud Apudyus te innattod ni Ispiritu Santu laylayadyu.

1 Thessalonians 2:13

Susunudḵu ḵan Kristu, pasig ḵani anggappiya ḵan Apudyus te dingngoḻyu ḵad ugudnae imbagani, namati ḵayu we daḵampun aḵ naḻpu'tta tagu yaḵon tuttuwae naḻpu ḵan Apudyus. Ḵad sa Ugud Apudyus, siya anḵewaaḻ atta biyagyu we namati.

1 Thessalonians 4:1

Sinsadi susunudḵu ḵan Kristu, ibagani inonyu we matagu we mas-oman Apudyus. Ḵad siya annate ḵoonyu yaḵon mipagapu'tte ngadan Apu Jesus, ḵodawonni ḵasin ḵan diḵayu ta amo ipapatiyu oḵyane angwa.

2 Thessalonians 3:6

Sinsadi susunudni ḵan Kristu bilinonni diḵayu'tte ngadan Apu Jesu Kristu we adiyu buḻbuḻunon da namati ye baduuḻe anḵewaaḻ ya da adipun tumuttuwa'tta inawatyu we tuttudu ḵan diḵani.

1 Peter 5:12

Inggiliḵ anna gapu si badang Silas we imbelangḵu'ḵ mataḻgodane sunud taḵu ḵan Kristu. Inggiliḵ annae abobbae suḻat ḵan diḵayu ta papigsaoḵ pammatiyu ḵan panoḵnoḵaḵ ḵan diḵayu annae tuttuwae ḵinabaḻun Apudyus. Sosomḵonyu we ustu sadi ye ḵinabaḻuna ta adiyu an-awidan.