1 Corinthians 14:6 - Sa Ugud Apudyus

⁶ Sinsadi susunudḵu ḵan Kristu nu umaliyaḵ ḵan diḵayu, ngai maganabyu nu an-ugudaḵ atte sabali ye ugude adiyupun maawatan? Awad ḵamman itaḵip ni umaliyaḵ ḵan diḵayu nu ḵatti? Malaksid nu ibagaḵ ḵan diḵayu impailan Apudyus ḵan saḵon baḵon nu ituttuduḵ ḵan diḵayu da banage impaḵaawatna ya ipaigammuḵ da impaigammuna baḵon nu ituttuduḵ ḵan diḵayu da udume igammuḵe ugudna.

1 Corinthians 14:6 ပူးပေါင်းရင်းမြစ်များ

Matthew 11:25

Sa sadi ye timpu, ḵanan Jesus we nalluwaḻu, “Ama, ipangatam da losan sina'd luta ya ad langit. Anggappiyaaḵ ḵan siḵa te adimpun impaigammu ḵatuttuwaan atta nalalaing ḵan naadaḻane tagu, siya nangipaigammuwam da napakumbaba ya da antaḻgode isudan abeng.

Matthew 16:17

Pun ḵanan Jesus, “Pianḵa ḵammos, Simon we abeng Jonah te daḵampun aḵ tagu nangipaigammu ḵan siḵa nu adi aḵ Amaḵ we awad ad langit.

Matthew 16:26

Te ngai ḵad ain maganab ni tagu nu anḵuwana da losane binaḵnang atte lubung yaḵon taḻaḵona ḵalidodwana ya madusa'ḵ inggana? Naippun! Te naippun maḵwa'ḵ ipasanin ni tagu'tte biyagna.

Acts 2:42

Impapatidae nan-adaḻ atta tuttudun da apostol ya nambubuḻunda, nanḵaḵaḵanda'tte tinapaye angiḵagasmoḵanda si natoyan Jesus ya nalluwaḻuda.

Romans 15:14

Susunudḵu ḵan Kristu, mat-opaḵ si mipanggob ḵan diḵayu te ambabaḻu ḵayu, adu da igammuyu ya lamogyu an-asituttudu.

Romans 16:17

Susunudḵu ḵan Kristu, ḵodawoḵe ummanyu'tta tagu we anadail si nan-os-ossaananyu ya angulu'tta pammatiyu. Te sullagiyonda ḵatuttuwaane nituttudu ḵan diḵayu si awe ḵad maḵḵon ituttududa. Ḵasapuḻane umadayu ḵayu ḵan dida.

Romans 6:17

Yaḵon anggappiyaaḵ ḵan Apudyus te taḵon ay nu musassun ni basuḻ diḵayu'tte awe, sinsana tuttuwae insisimoḵyu tuttuwaon ḵatuttuwaane nituttudu ḵan diḵayu.

1 Corinthians 10:33

Unudonyu saḵone pasigḵu ibagabagay biyagḵu'tta losane tagu. Te sa singsingtoḵ, daḵampun aḵ bumaḻuwaḵ yaḵon sa bumaḻuwan da adu ta mataguda.

1 Corinthians 14:1

Ipapatiyu we an-asiayat. Ḵad ipapatiyu oḵyan sington da ampapatoge ḵabooḻane itton ni Ispiritu Santu, amod ay ḵabooḻane angipaigammu'tte pinion Apudyus.

1 Corinthians 14:7

Isun ni baladong baḵon nu ḵullitong. Nu adipun ustu inon taḵu we amaginga, lamog ḵamman da tagu imatunan ustu we ayugna?

2 Corinthians 11:6

Taḵon ay nu daḵanaḵpun aḵ nalainge an-ugud, adiyaḵpun angkurang atte igammu si mipanggob ḵan Apudyus. Ḵad impaḵaawatni ḵan diḵayu we tuttuwa da sana'tta losane timpu we nantuttuduwanni ḵan diḵayu.

2 Corinthians 12:1

Ḵasapuḻane pagatupaḵe angiyisḵaḻ taḵon ay nu ippun maganabḵu. Yaḵon ug-uggudoḵ mipanggob atta impailan Apu ḵan saḵone isun di in-inop.

2 Corinthians 12:7

Gapu ḵad ta adimpun Apudyus pione ansoḵaḻaḵ gapu'tta ḵinangatun ni nakaskasdaawe impailana ḵan saḵon, iyyunudnae angigga'ḵ Satan aḵ saḵite isun di lutlut-uḵona long-agḵu ya ampaḵaḻamaḵ ta adiyaḵ ansoḵaḻ.

Ephesians 1:17

Ḵad ḵodaḵodawoḵ si madaydayawe Ama taḵu we Apudyus ḵan aman Apu taḵu we Jesu Kristu mipagapu si Ispiritu Santu we ittona oḵyan ḵan diḵayu ḵinalaing ḵan ipaigammuna mipanggob ḵan siya.

Ephesians 3:4

Ḵad nu basaonyu we ustu, igammuwonyu nan-aawatḵu si annae planunae nituttuwa gapu ḵan Kristu.

Philippians 3:15

Ḵatti oḵyan sosomḵon taḵu losane nanaḵman si pammati. Yaḵon nu awad nisabali somsomoḵna ḵan diḵayu, aḵ Apudyus angipaigammu ḵan siya si ustu.

2 Timothy 2:14

Pagatupame angipaspasmoḵ atta anna'tta namati sinat ya bagbagaam dida si sinagung Apudyus ta adida andudunggaḻan mipanggob atta ugud te ippun anuna yaḵon dadailona pammatin da andongoḻ.

2 Timothy 3:10

Yaḵon ḵan siḵa Timothy, igammum da losane mipanggob atte intuttuduḵ, sa ugaliḵ ya sa panggobḵu si annae biyagḵu, sa pammatiḵ, anusḵu ḵan an-aayatḵu'tta buḻunḵu ya sa nangipapattiyaḵe nangunud ḵan Apudyus.

2 Timothy 3:16

Da losane nigili ye Ugud Apudyus, aḵ Apudyus nangigga si somsomoḵ da nangigili. Ḵad mausar aḵ anuttudu ḵan ditaḵu si ḵatuttuwaan ya angigammuwan atta kamali ḵan basuḻ taḵu, suppaḵana ditaḵu ta ḵasapuḻane baliwan taḵu da lawwenge ugali taḵu ya ḵoona ditaḵu'ḵ maun-unan antatagu taḵu ya ḵoon taḵu da ummun-un,

2 Timothy 4:2

Iwaḻagawagnu Ugud Apudyus. Ḵasapuḻane pasigḵa maḵasagana, taḵon ay nu ambaḻu baḵon nu lawwenge timpu. Awisom dida ta amatida ḵan Jesus. Ḵad suppaḵam da angwa'ḵ lawweng ya soḻgagom dida ta ḵoonda ambaḻu ya anusam ose antuttudu.

Titus 3:8

Tuttuwa da sadi ye imbagaḵ ya matuttuwada oḵyan. Pun pioḵe pagapagatupame antuttudu'tta namati ḵan Apudyus sinat ta ummanda ipapuute angwa'tta ambaḻu. Da sadi ye tuttudu, ambaḻubaḻu ya idaḻanna da losane tagu'tte bumaḻuwanda.

Hebrews 13:9

Pun ilanyu ta adi ḵayu paallelaw atta sabali ya da tinutuli ye tuttudu. Te sa ḵinabaḻun Apudyus amapigsa si somsomoḵ taḵu, daḵampun si angunudan taḵu'tta bilin mipanggob atta maḵan. Te da angunud atta sana naippun maganabda.

2 Peter 1:5

Ḵad gapu'tte sana, iggayu ḵabooḻanyu ta idogayu si pammatiyu ambaḻu we ugali ḵad sa ambaḻu we ugali, dog-anyu si angigammuwanyu si mipanggob ḵan Apudyus.

2 Peter 3:18

yaḵon pagatupanyu oḵyan padason amode ḵinabaḻun Jesu Kristu we Apu taḵu ya Anagu ḵan ditaḵu ḵad dogdog-anyu bos inigammuyu ḵan siya. Madaydayaw oḵyan aḵ Kristu sinsana ya aḵ inggainggana. Amen.

2 John 1:9

Ngaimane tagu we adinapun pagatupane angunud atta tuttudun Kristu yaḵon amo dog-ana, adinapun igammu'ḵ Apudyus. Yaḵon sa tagu we pagapagatupanae angunud atta tuttudun Kristu, iinggaw aḵ Apudyus we Ama ya sa Abengna ḵan siya.