1 Corinthians 14:34 - Sa Ugud Apudyus

³⁴ da bubai ḵad gumiginnoḵda oḵyan atta gimung da namati. Te adipun miyunud da bubai ye an-ugud yaḵon paiturayda oḵyan atta laḻaḵi te sadi nigili ye lintog.

1 Corinthians 14:34 ပူးပေါင်းရင်းမြစ်များ

1 Corinthians 11:13

Diḵayu ud anomsomoḵ nu ustu ḵamman adi an-abbung bubai nu alluwaḻu ḵan Apudyus atte magimung ḵayu?

1 Corinthians 11:3

Yaḵon awad os osae pioḵe maawatanyu we aḵ Kristu isun di uḻun da losane laḻaḵi ḵad sa laḻaḵi isun di uḻun ni asawana. Ḵad aḵ Apudyus siya isun di uḻun Kristu.

1 Corinthians 11:5

Yaḵon nu alluwaḻu bubai baḵon nu ipaigammuna Ugud Apudyus, ḵasapuḻane maabbungan uḻuna. Te nu adina, pabainana asawanae laḻaḵi ḵad isun ay di impapuluḵna uḻuna.

1 Corinthians 14:21

Nu mipanggob si mausaran ni sabali ye ugude adipun maawatan, awad de nigili ye Ugud Apudyus we ḵanana, “Imbuunḵu da tagu we nansabasabali uguddae umoy angibaga'tta taguḵ atte pioḵ paibaga yaḵon adidapun os dongngon saḵon.”

1 Corinthians 14:35

Nu awad pionda igammuwon, asida oḵyan atta boḻoyda imuson atta asawada te ḵababbain bubai ye an-ugud atte sinagung da gimung da namati.

Ephesians 5:33

Yaḵon awad de amo piona ḵanan atta an-asawa. Ḵad siḵae laḻaḵi, ḵasapuḻane ayatom asawame isun ni an-aayatnu si long-agnu. Siḵae bubai, ḵasapuḻane patgam aḵ asawam.

Colossians 3:18

Diḵayu ḵade bubbubai, paituray ḵayu'tta asawayu te ḵaḵna ḵasapuḻane ḵoon da amati ḵan Apu.

Titus 2:5

Tupodonda oḵyan da long-agda ya ambaḻu oḵyan da ugalida. Ḵasapuḻan ose ummanda uḻnuson boḻoyda, naanusda'tta udum ya paiturayda'tta asawada. Te nu unudonda da annae ugali, adipun maamsew Ugud Apudyus.