1 Corinthians 14:31 - Sa Ugud Apudyus

³¹ Ḵatti ḵoonyu we ampasapasani ḵayu ta losan taḵu an-adaḻ ya losan taḵu masoḻgag.

1 Corinthians 14:31 ပူးပေါင်းရင်းမြစ်များ

Romans 1:12

Sa pioḵ ibaga, an-asisoḻgag taḵu si pammati ta pumigsa pammatiḵ mipagapu'tta pammatiyu ya pumigsa bos pammatiyu gapu si pammatiḵ.

1 Corinthians 14:19

Yaḵon nu maḵagimungaḵ atta udume namati, un-unnoyoḵ abuse limae ugud ibagaḵe maawatanda si antuttuduwaḵ nu sa an-ugudaḵ aḵ simpuḻullibu we ugude adidapun maawatan.

1 Corinthians 14:3

Yaḵon sa tagu we angibaga'tte pinion Apudyus we mipaigammu ta papigsaona pammatin da udum, soḻgagona ḵan liwliwaona dida.

1 Corinthians 14:30

Ḵad nu awad an-uguugud ya awad pinion Apudyus aḵ ipaigammun ni osa, ḵasapuḻane guminoḵ sadi ye ummuna nan-ugud ya nipasani sadi ye osa.

1 Corinthians 14:32

Ḵad sa naittan atte ḵabooḻane angipaigammu'tta pinion Apudyus, lamognae anupod atte long-agna.

1 Corinthians 14:35

Nu awad pionda igammuwon, asida oḵyan atta boḻoyda imuson atta asawada te ḵababbain bubai ye an-ugud atte sinagung da gimung da namati.

2 Corinthians 1:4

Te papigsaona pammati taḵu'tta losane ampaḵaḻaman taḵu ta lamog taḵu papigsaon da pammatin da buḻun taḵu we ampaḵaḻam atta losane kalasin di ampaḵaḻamane isun ni namapigsaana ḵan ditaḵu.

Ephesians 6:22

Siya ibuunni ḵan diḵayu ta ipaigammuna da maḵmaḵwa ḵan diḵani sina ya soḻgagona da somsomoḵyu.

Colossians 2:2

ta masoḻgag oḵyan da somsomoḵyu ya an-os-ossaan ḵayu gapu si an-asiayat ḵayu ta adi ḵayu anduwaduwa yaḵon maawatanyu planun Apudyus we adipun nipaigammu'tte awe ye sa mipanggob ḵan Kristu.

1 Thessalonians 4:18

Pun an-asiliwliwa ḵayu we mipagapu'tta sanae ugud.

1 Thessalonians 5:11

Pun an-asisoḻgag ḵayu oḵyan ya an-asipapigsa ḵayu'tte pammati ye isun ni annate ḵoonyu.

1 Thessalonians 5:14

Bilibilinonni bos diḵayu susunudḵu ḵan Kristu ta bagbagaanyu da baduuḻ, soḻgagonyu da allasu we madismaya, badanganyu da anḵuya pammatida ya anusanyu dida losan.

1 Thessalonians 5:20

ya adiyu bos amsewon da Ugud Apudyus we imbagan da profetana.