1 Corinthians 14:20 - Sa Ugud Apudyus

²⁰ Susunudḵu ḵan Kristu, daḵampun oḵyan aḵ inaabbeng ansosomsomoḵyu. Yaḵon isuyu oḵyan uttinge ippun igammuna si lawweng ya sa mipanggob ḵan Apudyus, isuyu oḵyan ansosomsomoḵ ni naangsan.

1 Corinthians 14:20 ပူးပေါင်းရင်းမြစ်များ

Matthew 11:25

Sa sadi ye timpu, ḵanan Jesus we nalluwaḻu, “Ama, ipangatam da losan sina'd luta ya ad langit. Anggappiyaaḵ ḵan siḵa te adimpun impaigammu ḵatuttuwaan atta nalalaing ḵan naadaḻane tagu, siya nangipaigammuwam da napakumbaba ya da antaḻgode isudan abeng.

Matthew 18:3

woḵ ḵanana, “Ibagaḵ ḵan diḵayu ḵatuttuwaan, nu adi ḵayu ambalbaliwe isun ni annae abeng, adiḵayupun paat midoga si ampangatan Apudyus.

Matthew 19:14

Yaḵon ḵanan Jesus ḵan dida, “Iyunudyu we umali da abeng ḵan saḵon. Adiyu paadiyon dida te da tagu we isuda dida midogada'tte ampangatan Apudyus.”

Matthew 19:4

Ḵanan Jesus we summongbat, “Adiyupun ḵamman binasa nigili'tte Ugud Apudyus we ḵanana, ‘Sa laplapunae nangwaan Apudyus atta tagu, ḵingwana dida'ḵ laḻaḵi ḵan bubai.’

Mark 10:15

Ibagaḵ ḵan diḵayu ḵatuttuwaan, ngaimane adina awaton ampangatan Apudyus we isun ni abeng, adipun paat midoga.”

Luke 18:17

Ibagaḵ ḵan diḵayu ḵatuttuwaan, ngaimane adina awaton ampangatan Apudyus we isun ni abeng, adipun paat midoga.”

Romans 1:13

Susunudḵu ḵan Kristu, pioḵe igammuwonyu nangampigae planuḵe umali ḵan diḵayu yaḵon awad de pasig anupod ḵan saḵon. Pioḵe ilan diḵayu ta awad os da awisoḵe amati ye isun da udume Gentil we inawisḵu'tta udume ili.

Romans 16:19

Allaylayadaḵ gapu ḵan diḵayu te nan-asidongoḻ atta ḵinailin di ili tummuttuwaanyu gapu si namatiyanyu. Ḵad pioḵ ose lumaing ḵayu mipanggob si ambaḻu yaḵon ippun oḵyan igammuyu si mipanggob atta lawweng.

1 Corinthians 13:11

Isun ni ḵaban-ogḵu, isun di abeng an-uugudḵu ya ansosomsomoḵḵu ya an-aawatḵu. Sinsadi ye naangsanaḵ, iyyagayḵu'tta inaabbenge ugali.

1 Corinthians 14:19

Yaḵon nu maḵagimungaḵ atta udume namati, un-unnoyoḵ abuse limae ugud ibagaḵe maawatanda si antuttuduwaḵ nu sa an-ugudaḵ aḵ simpuḻullibu we ugude adidapun maawatan.

1 Corinthians 2:6

Yaḵon awad de ḵinalainge ituttuduni'tta naangsan si pammati, daḵampun aḵ naḻpu'tte ḵinalaing da tagu si sanae timpu ya ḵinalaing da pangat si sanae timpu we amungtu ḵabooḻanda.

Ephesians 4:13

inggana'ḵ an-ossaan pammati taḵu ya madog-an an-aawat taḵu ḵan ambubuḻunan taḵu ḵan Kristu we Abeng Apudyus. Ḵad ambalin taḵu'ḵ naangsan si pammati ya sa ugali taḵu miyisu si ḵabaḻun ni ugalin Kristu we naippun nangkurangana.

Philippians 1:9

Annaya da iluwaḻuḵ ḵan Apudyus. Ḵodawoḵe pumigsapigsa oḵyan ayatyu ḵan siya ya da buḻunyu, ḵad madog-an oḵyan igammuyu si mipanggob ḵan Apudyus ya sa ḵabooḻanyu we angigammu nu ngai da ustu we ḵoonyu,

Philippians 3:15

Ḵatti oḵyan sosomḵon taḵu losane nanaḵman si pammati. Yaḵon nu awad nisabali somsomoḵna ḵan diḵayu, aḵ Apudyus angipaigammu ḵan siya si ustu.

1 Peter 2:2

Isun da uttinge pasig mauuwaw atte susu, pasig ḵayu oḵyan mauuwaw atte naispirituwane gatase sa Ugud Apudyus ta pumigsa ḵayu si pammati inggana'ḵ mituttuwa mataguwanyu.

2 Peter 3:18

yaḵon pagatupanyu oḵyan padason amode ḵinabaḻun Jesu Kristu we Apu taḵu ya Anagu ḵan ditaḵu ḵad dogdog-anyu bos inigammuyu ḵan siya. Madaydayaw oḵyan aḵ Kristu sinsana ya aḵ inggainggana. Amen.