1 Corinthians 14:12 - Sa Ugud Apudyus

¹² Gapu ta pipionyu we maittan atte ḵabooḻane maḻpu si Ispiritu Santu, amo iggayu ḵabooḻanyu we amapigsa'tta pammatin da buḻunyu we namati ye magimugimung.

1 Corinthians 14:12 ပူးပေါင်းရင်းမြစ်များ

Romans 14:19

Pun ḵasapuḻane igga taḵu ḵabooḻan taḵu ta allin-awa maḵabuḻbuḻunan taḵu'tta udum ya ngaimane amapigsa'tta pammati taḵu.

1 Corinthians 12:31

Pun siya oḵyan amaamayonyu da ampapatoge ḵabooḻane itton ni Ispiritu Santu. Ḵad ipaigammuḵ ḵan diḵayu amo napatpatog ḵan nabaḻbaḻu we daḻan.

1 Corinthians 12:7

Naatod ḵabooḻan ni sin-ossaossa ta angipaila si annaan ni Ispiritu Santu ḵan ditaḵu we namati ta bumaḻuwan da losan.

1 Corinthians 14:1

Ipapatiyu we an-asiayat. Ḵad ipapatiyu oḵyan sington da ampapatoge ḵabooḻane itton ni Ispiritu Santu, amod ay ḵabooḻane angipaigammu'tte pinion Apudyus.

1 Corinthians 14:13

Pun sa tagu we awad de ḵabooḻanae an-ugud atte sabali ye ugude adinapun inadaḻ, iluwaḻuna oḵyan ḵan Apudyus ta ittona bos ḵabooḻanae angipaḵaawat.

1 Corinthians 14:26

Susunudḵu ḵan Kristu, nu magimung ḵayu we andayaw ḵan Apudyus, awad oḵyan anḵanta ya awad os angituttudu'tte Ugud Apudyus ya awad os angibaga'tta ngaimane impaigammun Apudyus ḵan siya. Ḵad awad os an-ugud atte sabali ye ugude adinapun inadaḻ ya awad oḵyan angipaḵaawat atta inugudna. Yaḵon ilanyu ta da sanae ḵoonyu, ambanag atte pumigsaan da pammatiyu losan.

1 Corinthians 14:5

Pioḵ oḵyan nu losan ḵayu nalainge an-ugud atta nansabasabali ye ugud yaḵon amo pipioḵ nu awad ḵabooḻanyu losane angipaigammu'tta losane gimung si pinion Apudyus. Te amo bumadang tagu we angipaigammu'tta pinion Apudyus nu sa an-ugud atta nansabasabali ye ugud. Malaksid nu awad angipaḵaawat ta masoḻgagan da losane namati.

Titus 2:14

Siya nangitod si long-agna'ḵ matoy para ḵan ditaḵu ta mapuḵayan taḵu'tta losane ḵabooḻan ni basuḻ ya papoḻḵasona ditaḵu'tta basuḻ taḵu aḵ mitotoḵḵone tagunae sillalaylayade angwa'tta ambaḻu.