1 Corinthians 13:9 - Sa Ugud Apudyus

⁹ Te sa igammu taḵu mipanggob ḵan Apudyus sinsana ya sa ḵabooḻan taḵu we ampadtu kurang.

1 Corinthians 13:9 ပူးပေါင်းရင်းမြစ်များ

Matthew 11:27

Pun ḵanan Jesus atta tagu, “Innatod Amaḵ we Apudyus ḵan saḵon da losane ḵabooḻan ḵan laing. Iniiggammuna saḵon ya naippun udum aḵ nangigammu ḵan saḵon. Ḵaḵna bos aḵ Amaḵ we naippun angigammu ḵan siya malaksid ḵan saḵon ya da ngaimane tagu we pioḵ angipaigammuwan.”

Romans 11:34

Isun ni nigili ye Ugudnae ḵanana, “Awad ḵamman tagu'ḵ angigammu si somsomoḵ Apu? Ḵad awad ḵamman ḵallabbong amagbaga ḵan siya?

1 Corinthians 13:10

Yaḵon nu dumatong timpu we wadawad da losan, da losane ḵabooḻane angkurang, ampatinggada.

1 Corinthians 13:12

Isuna ḵan ditaḵu we namati te sa antotollong taḵu ḵan Apudyus sinsana an-ugabbae isun di alladawan si an-ugabbae ladawan. Yaḵon sa umali ye timpu ilan taḵu we mismu. Sinsana aḵit igammu taḵu ḵan siya yaḵon sa umali ye timpu igammuwon taḵu losan mipanggob ḵan siyae isun ni nangigammuwana mipanggob ḵan ditaḵu.

1 Corinthians 2:9

Yaḵon sa ḵanan ni nigili ye Ugud Apudyus, “Sa adimpun da tagu innila ya adidapun dingngoḻ baḵon nu adidapun simsimmoḵ, sadi insaganan Apudyus para'tta angayat ḵan siya.”

1 Corinthians 8:2

Sa tagu we ḵananae igammuna losan, sanat angipailae ippun igammuna'tta banage igammuwona oḵyan.

Ephesians 3:8

Taḵon ay nu saḵon ḵababaan atta losane tagun Apudyus, impailana ḵinabaḻuna si nangittana ḵan saḵon atte gundawaye angipaigammu ḵan diḵayu we Gentil atte ippun miyisuwanae bindisyune awad ḵan Kristu.

1 John 3:2

Ay-ayatoḵe buḻbuḻun, abeng Apudyus ditaḵu sinsadi taḵon ay nu daantaḵupun maawatane ustu ambalinan taḵu si umali ye aḻgaw. Yaḵon inigammu taḵu we nu umali ḵasin aḵ Kristu, miyisu taḵu ḵan siya te ilan taḵu we ustuustu.