1 Corinthians 13:7 - Sa Ugud Apudyus

⁷ Sa tagu we angayat atta asintataguna, pagatupanae angayat taḵon ay nu awad da ampaḵaḻaman baḵon nu maḵabasuḻ da udum ḵan siya. Ḵad pagatupanae amati ya annamnama.

1 Corinthians 13:7 ပူးပေါင်းရင်းမြစ်များ

Matthew 10:22

Ḵad sasangngaan os diḵayu'tta losane tagu gapu si pammatiyu ḵan saḵon. Yaḵon ngaimane angiyattom atta losane ampaḵaḻaman ya gogomgomana pammatina, matagu'ḵ inggana.

Mark 9:23

Ḵanan Jesus, “Ngai ḵad ain ḵanam nu lamogḵu? Maḵwa da ngaiman si tagu we awad de pammatina ḵan Apudyus!”

Romans 15:1

Ditaḵu we ampigsa da pammati taḵu, ḵasapuḻane anusan taḵu da anḵuya da pammatida. Daḵampun aḵ abus bumaḻuwan taḵu'ḵ somsomḵon taḵu.

Romans 8:24

Te sa sanae namnama nataguwan taḵu. Yaḵon nu sa mamaḵ-ila namnamaon taḵu, daḵampun aḵ tuttuwae namnama. Te ngai ḵad ain annamnama si mamaḵ-ila?

1 Corinthians 13:4

Sa tagu we angayat atta asintataguna, naanus ya bumabbadang atta udum. Adipun maapos ya adipun os napasindayaw baḵon nu ansoḵaḻ,

1 Corinthians 9:12

Pun nu awad ḵaḻabbongan da udume ampabadang ḵan diḵayu, amo sindumallu ḵan diḵani? Yaḵon taḵon ay nu awad ḵaḻabbonganni ye ampabadang ḵan diḵayu, adinipun ipatut te inan-anusanni taḵon ay ngai ampaḵaḻamanni ta ippun matupodan ni Ambaḻu we Damag si mipanggob ḵan Kristu.

Galatians 6:2

An-asibadang ḵayu nu awad andagson aḵ problemayu te nu ḵatti ḵoonyu, tinuttuwayu lintog Kristu.

2 Thessalonians 1:4

Pun nu inḵani bisitaon da gimung da namati ḵan Apudyus atta ḵinailin di ili, isḵaḻni diḵayu'tte ḵinaanusyu ya sa angipapuutanyu we amati taḵon ay nu amod da ampaḵaḻamanyu gapu'tta pammatiyu.

2 Timothy 2:24

Ḵad sa anserbi ḵan Apu, ḵasapuḻane adipun oḵyan maḵasubog yaḵon ḵasapuḻane nalaing, naanus atta losan ya ḵabooḻanae antuttudu,

2 Timothy 3:11

Igammum os da losane naḵwa ḵan saḵon ad Antioch, Iconium ya ad Lystra we ummamdan nampaḵaḻamaḵ. Yaḵon sinaḻaḵnibanaḵ ḵan Apudyus.

2 Timothy 4:5

Yaḵon ḵan siḵa, ḵasapuḻane tupudom long-agnu. Attomam da ampaḵaḻamam. Iggaiggame angiwaḻagawag atte Ambaḻu we Damag ya ummam ḵoon da ḵewaaḻ ni anserbi ḵan Apudyus we sa intaḻgodna ḵan siḵa.

Hebrews 13:13

Intaḵu ḵan Jesus atte lasin ni ḵampu, ta ampaḵaḻam taḵu'tta nibabbainana.

James 1:12

Pian tagu we ampaḵaḻame angipapati angunud ḵan Apudyus te nu napanoḵnoḵane ampigsa pammatina, awatona gungunae inkarin Apudyus we sa biyag aḵ inggana'tta angayat ḵan siya.

1 Peter 2:24

Aḵ Kristu we mismu nangiḵaḻu'tta basuḻ taḵu si natoyana'tte kros ta sadi mapuḵayan taḵu'tte ḵabooḻan ni basuḻ ya unudon taḵu naun-unane antatagu. Gapu'tta sugatna, naḵaan da saḵit taḵu.

1 Peter 4:8

Sa ḵapatogane ḵoonyu, papigsaonyu an-asiayatanyu te nu an-asiayat ḵayu, adiyupun sosomḵon da amode basuḻ da buḻunyu yaḵon an-asianus ḵayu ya an-asipakawan ḵayu.