1 Corinthians 13:6 - Sa Ugud Apudyus

⁶ Sa tagu we angayat atta asintataguna, adipun allaylayad atta basuḻ yaḵon allaylayad nu angngog ḵatuttuwaan.

1 Corinthians 13:6 ပူးပေါင်းရင်းမြစ်များ

Matthew 18:13

Ibagaḵ ḵan diḵayu ḵatuttuwaan, amod de layadna si ossaane nataḻaḵe naodasan nu da siyampuḻu ya siyame adipun nataḻaḵ.

Luke 22:5

Pun allaylayadda woḵ nan-uugudandae ittanda'ḵ pilaḵ.

Romans 1:32

Taḵon ay nu igammuda tuttudun Apudyus we labbongdae madusa'ḵ inggana da tagu we angwa'tta ḵatti, sissiyae ḵoonda. Daḵampun aḵ abus ḵoonda nu adi ayunanda bos da udume angwa'tta ḵaḵnat.

Romans 12:9

Tuttuwa oḵyan ayatyu'tta buḻunyu we namati. Ḵad ḵasapuḻane sasangngaanyu oḵyan da ngaimane lawweng ta siya pagapagatupanyu unudon da ngaimane ambaḻu.

Philippians 1:18

Yaḵon taḵon ay nu ḵatti ḵoonda, ippun ḵanana te lawweng man ḵan ambaḻu panggobda, siya ampatog miwaḻagawag mipanggob ḵan Kristu ḵad sanat allaylaydaḵ. Daḵampun aḵ abus sadi yaḵon pagapagatupaḵe allaylayad,

Philippians 1:4

Te inggan ni nangisaḻdanyu we namati inggana sinsana, binadanganaḵ si ḵewaaḻḵu we angipaigammu si Ambaḻu we Damag. Pun pasige amod de layadḵu we angiluwaḻu ḵan diḵayu losan.

Philippians 3:18

Te adu da ḵabusuḻ Kristu we angngesnges-elanda natoyana'tte kros gapu'tta antataguda. Nangampigae imbagaḵ sana ḵan diḵayu si awe yaḵon iḵasinḵu ibagae sana ya maḵaluwaaḵ si somsomḵoḵ mipanggob ḵan dida.

2 Thessalonians 2:12

ta losanda maḵoddongan aḵ madusa te adidapun namati si ḵatuttuwaan yaḵon siya ginangganasda da maḵabasuḻanda.

2 John 1:4

Amod de layadḵu si inigammuḵe da udume abengnu, siya unudonda ḵatuttuwaane imbilin Apudyus we Ama ḵan ditaḵu.