1 Corinthians 12:6 - Sa Ugud Apudyus

⁶ Ḵad nansabasabali ḵewaaḻe innatod Apudyus ḵan ditaḵu yaḵon ossaan aḵ Apudyus we nangitod si ḵabooḻan ni sin-ossaossa ḵan ditaḵu.

1 Corinthians 12:6 ပူးပေါင်းရင်းမြစ်များ

John 5:17

Ḵanan Jesus, “Aḵ Amaḵ we Apudyus, adipun guminoḵe anḵewaaḻ ḵad isuna bos ḵan saḵon.”

1 Corinthians 12:11

Losan da sanae ḵabooḻan, ossaan naḻpuwandae sa Ispiritu Santu. Ittana sin-ossaossae namati sigun si piona.

1 Corinthians 12:5

Nansabasabali inon taḵu we anserbi yaḵon ossaan anserbiyan taḵu we aḵ Apu.

1 Corinthians 15:28

Ḵad nu ipangatan Kristu da ngaiman, sadi timpu we ipuḻangna dida ḵan Apudyus we Amana ta ipangatana dida ḵad idogana bos long-agna paipangat ḵan Amana te siya ḵangatuwane angipangat atta losan.

1 Corinthians 3:7

Pun sa nangimuḻa ḵan nansilug, naippun patogda. Siya ampatog aḵ Apudyus we amadaḵoḻ si muḻa.

Ephesians 4:6

Os-ossaan os Apudyus we losan taḵu Ama. Siya angipangat ḵan ditaḵu losan, anḵewaaḻ mipagapu ḵan ditaḵu losan ta mituttuwa da piniona ya iinggaw ḵan ditaḵu losan.

Philippians 2:13

Te aḵ Apudyus, patilayune anna ḵan diḵayu ta siya ḵoonyu da mas-omana ḵad ittona ḵabooḻan ḵan diḵayu we tumuttuwa.

Colossians 1:29

Iggaḵ losane ḵabooḻaḵ ta mituttuwa da sana'tte angusaraḵ si ampigsae ḵabooḻane innatod Kristu ḵan saḵon.

Colossians 3:11

Gapu'tta sanae ḵingwan Apudyus, an-iisuwona da losan si antotollongna, Judyu man baḵon nu da Gentil, da naadaḻan ya da adipun naadaḻan, ḵaḵḵaili ya da maaḻmot, musassu ya daḵampun aḵ musassu te aḵ Kristu ḵapatogan atta losan ya awad os atta losane namati.

Hebrews 13:21

Oḵyan pos ta ittona da ambaḻu we ḵasapuḻanyu ta ḵoonyu da piniona ya ḵoona ḵan ditaḵu da mas-omana mipagapu ḵan Jesu Kristu. Ḵad siya madaydayaw aḵ inggainggana. Amen.