1 Corinthians 12:11 - Sa Ugud Apudyus

¹¹ Losan da sanae ḵabooḻan, ossaan naḻpuwandae sa Ispiritu Santu. Ittana sin-ossaossae namati sigun si piona.

1 Corinthians 12:11 ပူးပေါင်းရင်းမြစ်များ

Matthew 11:26

On, ḵingwam ḵaḵna te siya piniom.”

Matthew 20:15

Adipun ḵamman miyunude gastuwoḵ pilaḵḵu si pioḵ angastuwan? Maapos ḵayu ḵad ain gapu ta allaayaḵ?’ ”

John 3:27

Summongbat aḵ John woḵ ḵanana, “Naippun tagu'ḵ awad awatona nu adi abus maatod ḵan siyae maḻpu ḵan Apudyus.

John 3:8

Isun ni bibbid, adipun maila yaḵon angoy atte dinuman. Dongngonyu bungug ni bibbid yaḵon naippun igammuyu si maḻpuwana ḵan ayonana. Sadi isunae naippun maila ḵan maawatan atte inon ni miyanaḵ ḵasin atte Ispiritu Santu yaḵon tuttuwae awad de ambanagana'tte biyag ni miyanaḵ ḵasin mipagapu'tte Ispiritu Santu.”

John 5:21

Te nu tinagun Amaḵ da natoy ya ittana dida si biyag, taguwoḵ ose Abengna ya ittaḵ os si biyag da pioḵ.

Romans 12:6

Da ḵabooḻane innatod Apudyus nansabasabali ye mibatay si ḵinabaḻu we innatodna ḵan ditaḵu. Pun da naittan aḵ ḵabooḻane angibaga'tta paibagan Apudyus usaronda oḵyane mibatay si pammatida.

Romans 9:18

Pun ipailan Apudyus ḵadaguna'tta ngaimane piona ḵadaguwan ya patungitongona bos da somsomoḵ da ngaimane pionae tumungitong.

1 Corinthians 12:18

Yaḵon sa ḵatuttuwaan, iyyuḻnus Apudyus losane ḵamangay ni long-ag sigun atte piona.

1 Corinthians 12:4

Sinsadi awad da nansabasabali ye ḵabooḻane naatod ḵan ditaḵu yaḵon ossaan naḻpuwandae sa Ispiritu Santu.

1 Corinthians 12:6

Ḵad nansabasabali ḵewaaḻe innatod Apudyus ḵan ditaḵu yaḵon ossaan aḵ Apudyus we nangitod si ḵabooḻan ni sin-ossaossa ḵan ditaḵu.

1 Corinthians 7:17

Sa osae namati, pagatupana oḵyan ḵasasaadna si namatiyana te sanat innatod Apu ḵan siya'tte timpu we namiliyan Apudyus ḵan siyae amati ḵan Jesus. Sana da imbilinḵu'tta losane gimung da namati.

1 Corinthians 7:7

Te sa ḵatuttuwaan, pioḵ oḵyan nu isuyu saḵone ippun asawana. Yaḵon igammuḵe daḵampun aḵ an-iisu taḵu te nansabasabali ḵabooḻane innatod Apudyus si sin-ossae tagu.

2 Corinthians 10:13

Yaḵon ḵan diḵani, awad de ustu we patinggan ni isḵaḻni. Te adinipun iyisḵaḻ da ngaiman, abus da paḵwan Apudyus ḵan diḵani ḵad midoga ḵewaaḻni ḵan diḵayu.

Ephesians 1:11

Losane maḵwa, mibatay atte gagangaye planun Apudyus. Pinilina diḵani ye Judyu aḵ ambaline taguna gapu si niyossaananni ḵan Kristu. Te siya gagangaye planuna inggan ni lapuna,

Ephesians 4:7

Yaḵon impailan Apudyus ḵinabaḻuna si nangittana si sin-ossaossa ḵan ditaḵu'tta kalasin di ḵabooḻan sigun si simsimmoḵ Kristu we itton.

Hebrews 2:4

Ḵad aḵ Apudyus we mismu pinanoḵnoḵana si tuttudunae tuttuwa gapu si nangittana si sinyal ni ḵabooḻana ya da nansabasabali ye miraculu. Ḵad innatodna'tta namati ḵabooḻane iwaḻas ni Ispiritu Santu sigun atte piniona.

James 1:18

Mismu we piniona nambalinon ditaḵu'ḵ abengna gapu si ugude ḵatuttuwaan ta ditaḵu ḵapatogan atta losane ḵingwana.